امرأة برج القوس مغامرة، مبدعة، مستقلة وعارفة هي عايزة إيه. مش مستنية رأي الناس، وما عندهاش مانع إنها تكون مختلفة عنهم كلهم. عندها روح قيادية وبتحب تسافر لوحدها وتستكشف العالم بكل ما فيه. وكمان من حبها للاستكشاف بتحب تستكشف عقلها نفسه وحبها نفسه. كريمة جدًا وصادقة ومش محتاجة تكدب أو تلف وتدور. كمان امرأة برج القوس تقدر تثق فيها جدًا، لو عرفت سر، عمرها ما هتقوله.

تاريخ ميلاد برج القوس 22 نوفمبر لـ21 ديسمبر

توافق الأبراج مع برج القوس:
الأبراج التي تتوافق مع برج القوس: الميزان والدلو
الأبراج التي لا تتوافق مع برج القوس: الجوزاء

توقعات الأبراج 2019 امرأة برج القوس من ماجي فرح
ماجي فرح بتقول إن 2019 هتكون لطيفة لو قللتي من نشاطاتك اللي مش مهمة قوي ورجعتي لحياتك القديمة. وبتقول ماجي فرح عن شهر نوفمبر وديسمبر في القوس إنك هتبقي في مزاج حلو ونشيطة وجذابة.

امرأة برج القوس والحب
امرأة برج القوس مليانة عواطف وطاقة وتحب هي اللي تختار شريك حياتها مش هو اللي يختارها. يعني ما بتحبش تستنى اهتمام أو حب شخص، لكن بتحب هي اللي تبادر وتقرب له. جريئة وصريحة وما عندهاش صبر تستنى الخطوة الأولى من الشخص التاني.

امرأة برج القوس والعمل
لأن امرأة برج القوس بطبعها مغامرة، فالشغل بالنسبة مغامرة هو كمان، بترمي نفسها في طريق الشغل اللي بتحبه خصوصًا لو له علاقة بالفن أو الطبيعة. بتحب تحط طاقتها كلها في مشاريع كبيرة خصوصًا لو المشاريع دي لها عائد خير على ناس كتير أو بتغير العالم لمكان أفضل. عندها ضمير في شغلها وبتكرس وقتها له وبتعمل كل الشغل المطلوب منها في ميعاده.

امرأة برج القوس والصحاب
أمرأة برج القوس محبوبة جدًا من الكل، ثقتها في نفسها وصدقها بتخلي حلم كل الناس إنها تصاحبها. ولما بتصاحب حد بيئتمنها على كل أسراره وبيعتبرها الصديقة الأقرب أو الأنتيم.

امرأة القوس والموضة
امرأة برج القوس مش ممكن تتوقع هي هتلبس إيه من كتر تنوع اللي بتلبسه، مالهاش ستايل معين، ممكن تلاقيها لابسة جينز وفلات في رجليها أو فستان تحفة وكعب عالي. بتحب تلبس حلق وعقد دايمًا.

أهم مميزات امرأة برج القوس
كريمة ومثالية ودمها خفيف جدًا

أبرز عيوب امرأة برج القوس
بتوعد بحاجات أكبر منها، ما عندهاش صبر، مش دبلوماسية.

كيف تتعامل مع امرأة برج القوس
امرأة برج القوس عندها طاقة مهولة ودمها خفيف، ما ينفعش قوي معاها التكشير والزعل. كمان بتحب الاستقلالية، فما بتحبش حد يقول لها تعمل إيه وما تعملش إيه أو يخنقها ويقيدها، يعني بتحب اللي يحترم حريتها. بتحب الأماكن المفتوحة والخروجات والسفر. بتاخد وقت عشان تقع في الحب بس لما تقع في الحب بتفضل مخلصة ومهتمة جدًا، بس لو العلاقة اتعقدت، هتسيبها وتمشي فورًا.

مصادر

Horoscope

Astrology

Your Tango
 
ماجي فرح

What do you think of this post ?
+1
0
+1
0
+1
0
+1
0
+1
0
+1
0
SHARE