الكوفية الشتوي بتعتبر من ضمن أساسيات دولابك في الشتا، مش بس الكوفية بتساعد إنها تخليكي مدفية وتحميكي من تيارات الهوا البارد اللي ممكن تخليكي تحسي بالسقعة لكنها بتعتبر بردو من ضمن الإكسسوارات الشيك في فصل الشتا اللي ممكن تنسقيه مع لبسك بأشكال مختلفة من اللفات في اللبس الكاجوال أو حتى الفورمال، وفي المقال ده هنعرفك على الطرق مختلفة وغير تقليدية للف الكوفية.

 

نصايح مهمة عشان تلبسي الكوفية بشكل شيك

 

  • لو الكوفية اللي هتلبسيها ملونة أو كاروه أو منقوشة يفضل إن لبسك يكون سادة عشان يكون فيه تناسق في لبسك لانه بيبقى منظر لطيف أوي لو فيه نقشات أو ألوان كتير على بعض.
  • الكوفية الضخمة أو الشال بيبقى شكلها ألطف لو لبستيها على كتفك من غير ما تلفيها على رقبتك.
  • لو إنتي محجبة يفضل إن لفة الإيشارب تكون بسيطة ومن غير طبقات كتير، ولو هتلفي الكوفية بكذا طبقة حوالين الرقبة يفضل إنك تلفي الإيشارب لفة ضيقة أو تلبسي تربون.

 

 

الكوفية التقليدية

 

الكوفية التقليدية ليها كذا طريقة متنوعة للبسها وبتتنوع في الأشكال والخامات والطول والفيديو ده هيعلمك خطوة بخطوة إزاي تلفي الكوفية بطرق مبتكرة وغير تقليدية

 

 

ودي بعض الصور لأشكال الكوفية التقليدية ولفاتها

 

 

 

 

 

 

 

 

الكوفية العريضة الـOversized

 

ودي بتبقى أعرض من الكوفية التقليدية وشبه الشال شوية وبتبقى طويلة كمان، وميزتها إنها عادًة بتكون مصنوعة من الصوف وبتديكي إحساس عالي بالدفا خصوصًا في أيام الشتا اللي بيبقى فيها هوا جامد.

 

 

 

 

 

 

 

الكوفية الدائرية

 

ودي بتكون على شكل دايرة فيه منها نوعين، نوع كبير شوية بتدخل من الراس وتلفيها حوالين رقبتك والنوع التاني بيكون جاهز إنك تلبسيه زي ما هو من غير ما تلفيه.

 

 

 

 

 

 

الكوفية الضخمة/الشال

 

 

النوع ده ممكن تلبسيه من غير ما تلفيه لو حجمه ضخم بحيث إنه بيغطي كتفك زي الشال  أو ممكن تلبسي عليه حزام.. والفيديو ده هيساعدك بالخطوات إزاي تلفيه بطريقة سهلة.

 

 

 

لو إنتي محجبة الفيديو ده هيكون مفيد ليكي جدًا عشان تتعلمي إزاي تلفي الكوفية بشكل حلو مع الإيشارب.

 

 


إيه هي أكتر لفة كوفية بتفضليها؟

 

What do you think of this post ?
+1
0
+1
0
+1
0
+1
0
+1
0
+1
0
SHARE