إسراء عامر هي فاشون بلوجر مصرية، أم لبنت وولدين وبتعرض من خلال موقعها وصفحاتها على السوشال ميديا رحلتها في الحياة كأم مصرية شابة. إسراء عندها شغف ناحية الموضة والستايل وشايفة إن عشان تبقى أم عظيمة، لازم تاخد بالها من نفسها ومن حياتها ومن جوازها. بما إن خلاص الشتا أخيرًا بدأ وكلنا محتاجين نعرف شوية نصايح على إطلالاتنا (اللوك) في شتاء 2020، جمعنا لكم النهارده من حساب إسراء عامر على إنستاجرام 10 إطلالات شتوية. تحت هاشتاج #modestvibesbyisraa وريتنا إسراء اللوكات(الإطلالات) دي في فيديو على صفحتها وشاركتنا بكل تفاصيلها وكمان قالت لنا إيه هي موضة شتاء 2020 وإزاي نلبسها.

 

 

الإطلالة الأولى في موضة شتاء 2020 هي الـcape

 

إسراء قالت إن الـcape موضة السنة دي بكل أطواله وأشكاله. وأضافت إن النقشات موضة الشتا ده جدًا، زي نقشة جلد التعبان اللي استخدمتها في الإيشارب.

 

الإطلالة الثانية في موضة شتاء 2020 هي البنطلون الجلد

 

وإسراء كملت اللوك ببلوفر بنفسجي وقالت إنه لون موضة جدًا في موسم شتاء 2020 وكمان اختارت إيشارب بنقشة جلد النمر، ولبست جاكيت جلد. في الأول سابته مفتوح وبعدين قفلته وكل واحد من الاختيارين بيعمل طلة مختلفة وشيك.

 

الإطلالة التالتة في موضة شتاء 2020 هي الكاروه

 

إسراء فضلت مكملة بالبنطلون الجلد وأضافت له توب كاروهات وإيشارب لونه نبيتي وقالت إن النبيتي كمان موضة الشتا ده. كمان إسراء قالت إن دمج الكاروه والنقشات موضة موسم شتاء 2020.

 

الإطلالة الرابعة في موضة شتاء 2020 هي الجاكت الجلد

 

إسراء اختارت تلبس الجاكت الجلد فوق بلوفر بنقش الفهد واختارت بنطلون جلد فيه نقشة الفهد في الجنب. كملت الإطلالة بشنطة كبيرة وهي موضة تانية من موضات شتاء 2020.

 

الإطلالة الخامسة في موضة هذا الشتاء هي البوت

 

إسراء عامر بتقول إن البوت الواسع المكشكش من تحت من أكتر الأشكال الموضة السنة دي، ضمن كل البوتات. في اللوك ده، إسراء لبست فستان كارو وفوقه سويتر وضاممهم حزام رفيع.

 

الإطلالة السادسة وكمان موضة السنة دي هي الجاكيت المبطن

 

 

لو ما بتحبيش تلبسي طبقات كتير، إسراء بتنصحك تلبسي الجاكيت المبطن. إسراء لبست الجاكيت المبطن على بلوفر سادة واختارت بنطلون واسع أورانج ونصحتنا كمان إننا ما نتكسفش نلبس ألوان صريحة لأنها موضة السنة دي.

 

الإطلالة السابعة وموضة السنة دي البالطو التقيل

 

الإطلالة السابعة هي الإطلالة اللي قالت عنها إسراء إنها المسعفة لو كنتِ متأخرة وعايزة تخرجي لأنك هتفتحي الدولاب تشديها، تلبسيها وتنطلقي. وهي البنلطون الواسع harem pants مع البالطو التقيل (خليط القطن والجباردين trench coat).

الإطلالة التامنة وموضة الشتا ده هي ألوان النيون

 

في الإطلالة دي، إسراء لبست فستان في نقشة النقط Polka Dots ودخلت معاها اللون النيون في شكل بطانة الجاكيت الحرير اللي بيدي اللوك شياكة.

 

الإطلالة التاسعة .. موضة خلط النقشات

مع إن كتير مننا بيخاف يلبس نقشات مختلفة على بعض، إلا إن إسراء بتطمننا إن خلط النقشات (إنك تلبسي كل قطعة بنقشة مختلفة) موضة شتاء 2020. وعشان كده، اختارت إنها تلبس بنطلون بنقشة الزيبرا مع بلوزة مشجرة وفوقهم أضافت جاكيت أسود.

الإطلالة العاشرة .. موضة اللون الجملي والبنيات

 

إسراء اختارت درجات من البني وركزت على الجملي وكمان ضافت حزام عليه نقشة الفهد والنضارة عليها نفس النقشة عشان يبقى كل اللوك على الموضة. قولي لنا في التعليقات إيه أكتر لوك عاجبك وإيه أكتر موضة هتحبي تمشي عليها شتاء 2020.

 

مصدر المقال:

حساب إسراء عامر على إنستاجرام

What do you think of this post ?
+1
0
+1
0
+1
0
+1
0
+1
0
+1
0