في الحمل، بنحس بتقل وصعوبة في الحركة. عشان كده إزالة الشعر بالسويت أو الشمع أو حتى الكريم والحلاقة بيبقى صعب ومحتاج جهد كبير خاصة مع كبر البطن والثدي، لأن دا بيصعّب إنك توصلي لأي مكان. في المقال ده هنكلمك عن الشعر الزيادة أثناء الحمل وهل ينفع تعملي إزالة الشعر بالليزر وانتِ حامل.

نمو الشعر في الحمل:

الحمل بيخلّي الهرمونات في الجسم مستوياتها تتلخبط ومستويات الاستروجين والأندروجين بيعلو جدًا. علو الهرمونات دي بيخلي الشعر الزيادة يزيد أكتر وحتى في الأماكن اللي ما كانش فيها شعر قبل كده. الهرمونات دي مش بس بتؤثر على أماكن ظهور الشعر إنما كمان على دورة النمو، فبيطلع بسرعة جدًا.

دا بيسبب لستات كتير إزعاج كبير وعشان كدا بتلجأ لإزالة الشعر بالليزر. ومع إن فيه دكاترة كتير بيرفضوا استخدام الليزر مع الحامل، فيه دكاترة مش هتحذرك بسلبيات الإزالة على صحتك وعلى جنينك. في الفقرات اللي جاية هنكلمك عن السلبيات دي. لكن في الأول خلينا نقول لك إزاي الليزر بيشتغل. في مقال “إزالة الشعر بالليزر” على موقع ويب طب: آشعة الليزر بتروح على الخلايا تمتص وتفكك بصيلة الشعر وبتأخر أو تخفف الشعر الجديد.

هيئة الصحة البريطانية بتنصح إن الحامل ما تستعملش الليزر في إزالة الشعر لإنها مش آمنة كفاية. وسلبيات إزالة الشعر بالليزر للحامل فيها مخاطر على الجنين وفيها مخاطر على الأم. موقع ويب طب بيقول إن آشعة الليزر لها تأثير ضار على الرخم والمبايض والمشيمة وممكن يسبب إنقباضات في الرحم نتيجة الألم. وجمعية الحمل الأمريكية بتنصح بتجنب إزالة الشعر بالليزر أثناء الحمل عشان مفيش معلومات كفاية عن تأثيرات الآشعة على الجنين.

أما مخاطر الآشعة على الأم فالمجلة الدولية للأمراض الجلدية نشرت عن سلامة الإجراءات التجميلية للستات خلال الحمل وبتقول إن مفيش أي بيانات بتدعم استخدام الليزر. لأنه ممكن يسبب تهيج الجلد وتغير في لون البشرة وتكوّن الندب وفي حالات نادرة ممكن يعمل زيادة مفرطة في نمو الشعر.

نصيحتنا ليكي تؤجلي قرار كبير زي ده لبعد الولادة عشان تبقي في أمان انتِ وجنينك

مصادر ساعدتنا في كتابة المقال:

هيئة الصحة البريطانية

مقال إزالة الشعر بالليزر على ويب طب

ويب طب 2

ويب طب 3

ويب طب 4

مجلة الحمل الأمريكية

What do you think of this post ?
+1
0
+1
0
+1
0
+1
0
+1
0
+1
0
SHARE