أسباب الولادة القيصرية

في السنين الأخيرة، دكاترة كتير بقت بتفضّل الولادة القيصرية لسهولتها بالنسبة له من غير ما يكون في أسباب للولادة القيصرية. لكن الحقيقة إن الولادة القيصرية هي جراحة زي أي جراحة والمفروض إنها تتعمل بس في حالات معينة بس. في المقال ده، هنقول لك الحالات اللي بيفضل فيها تولدي قيصري عشان تكوني عارفة إمتى تكوني محتاجة الولادة القيصرية فعلًا.

1. سقوط المشيمة:

لما المشيمة تكون في الجزء السفلي من الرحم وتمنع راس الجنين إنها تنزل بشكل طبيعي لمنطقة الحوض.

2. وضع الجلوس في الجنين breach:

الطبيعي إن الجنين في الشهر الأخير بتكون راسه تحت ورجليه لفوق عشان هي دي طريقة الخروج الطبيعية للجنين من الرحم. لكن أوقات الجنين بياخد وضعية جلوس يعني رجليه بتبقى لتحت وراسه فوق ودي صعب جدًا تولدي فيها طبيعي لأن الدكتور لو شد رجل الجنين بشكل غلط ممكن يتسبب له في إعاقة وممكن يتخنق ويفقد حياته.

3. العدوى داخل بطانة الرحم:

دي عدوى اسمها هربس herpes ودي بتبقى عدوى في الجهاز التناسلي وساعات بتحصل في الشهور الأخيرة في الحمل. لو جات العدوى دي لأم حامل، أو أي عدوى تانية في الجهاز التناسلي أو عدوى منقولة جنسيًا STIs، لازم الأم تولد قيصري عشان تضمن إن الطفل ما يتعديش في الولادة.

4. الولادة القيصرية قبل كدا:

لو ولدتي قبل كدا ولادة قيصرية واحدة، ممكن ما بيبقاش فيه خطر إنك تولدي طبيعي. لكن لو ولدتي أكتر من مرة ولادة قيصرية، عادةً بيبقى فيه مضاعفات في الولادة، وفرص الولادة الطبيعية بتقل جدًا. تقارير بي بي سي نيوز المنشورة على موقع الصحة البريطانية بتقول: “يمكن أن تكون الولادة القيصرية المخططة هي الخيار الأكثر أمانًا للنساء اللائي تعرضن لعملية قيصرية في الماضي.”

وفيه دراسة جديدة شملت 74000 ولادة في اسكتلندا وبينت إن الستات اللي ولدوا قيصري قبل كدا كانوا عرضة للمشاكل لما حاولوا يولدوا طبيعي بعد القيصري.
في كل الأحوال، القرار قرارك، واحنا معاكِ إنك تعملي اللي انتِ مقتنعة به سواء كان الولادة الطبيعية أو القيصرية طالما ما فيهوش خطر عليكي وعلى جنينك.

 

مصادر ساعدتنا على كتابة المقال:
منظمة الصحة البريطانية 1

منظمة الصحة البريطانية 2

LEAVE A REPLY

Please enter your comment!
Please enter your name here