أشهر العلاجات المنزلية الطبيعية لالتهابات الحفاضة

مجموعة من الطرق الطبيعية المنزلية لعلاج التهابات الحفاضة.

Shaymaa El-Gammal

150
0

البيبي الصغير ساعات كتير بيتعرض لتسلخات في منطقة الحفاض.. النهاردة عايزيين نعرفك على أشهر العلاجات المنزلية الطبيعية إللي ممكن تستخدميها مع البيبي لو إنتي بتحبي تستخدمي الحاجات الطبيعية او لو كريم الحفاض خلصان من عندك مؤقتًا والحاجات دي كتير منها متجرب من أمهات راحة بالي

✔زيت جوز الهند مضاد للفطريات ومضاد للبكتيريا وده بيخليه مثالي في موضوع التهابات الحفاض.

✔الخل الأبيض وخل التفاح: اخلطي معلقة خل واحدة على كوباية مية واستخدميها في التشطيف. ليه الخل مفيد في حاجة زي كدة؟ لإنه الخل حامض وبيتفاعل مع بول الطفل القلوي.. اعملي تشطيف بالمية والخل وبعدين ادهني زيت جوز الهند.

✔حليب الثدي! فعلا؟ أيوة فعلا لإنه بيحتوي على أجسام مضادة بتكافح الالتهابات. ادهني حليب الثدي على المنطقة الملتهبة وسيبيه لحد ما ينشف وبعدين لبسيه الـDiaper .

✔الفازلين.. جميل جدًا في علاج التهابات الحفاض لإنه بيعمل طبقة عازلة بين الجسم والحفاضة.

✔نشا الدرة.. عظيم جدًأ في إمتصاص الرطوبة.. بمجرد تنضيف الطفل رشي نشا الذرة على مقعدة الطفل وبعدين لبسيه الحفاض.

✔عسل النحل: معروف بقدرته على تهدئة الالتهابات بشكل سريع.. ادهني منه شوية على المنطقة المتلهبة وبعدين لبسّي الحفاضة.

أخيرًأ لو جربتي الطرق الطبيعية وما نفعتش مع طفلك استشيري دكتورك علشان يعرفك الالتهاب الموجود عند طفلك فطري ولا بكتيري لإنه كل حاجة فيهم ليها مستحضرات مختلفة.

LEAVE A REPLY

Please enter your comment!
Please enter your name here