أشهر 10 مشاكل شائعة خلال فترة الحمل

اعرفي أشهر 10 مشاكل شائعة خلال فترة الحمل

يمنى مهني

879
0
عند أغلب السيدات، بمجرد سماع خبر إنك حامل السعادة بتملى حياتك لكن في نفس الوقت بتحصل تغيرات في جسمك قد تبدو غير مريحة ليكي لكن هي هدفها التأقلم مع نمو جنينك وتطوره وفي نفس الوقت هي أمور غير خطيرة ومعتادة في الحمل ولها طريقة تعامل بتساعد على تخفيف أثرها عليكي ده غير إنها بتختفي بعد الولادة على طول ..
هنقدم لك من خلال المقال ده مجموعة من أكثر 10 المشاكل انتشارا بين السيدات خلال حملهم وكيفية التعامل معاها:
 
1- الغثيان والقيء
سيدات كتير بتعرف إنها حامل من خلال الشعور بالغثيان والقيء الصباحي واللي بيكون عرض بيظهر في أول الحمل وبيبتدي يختفي تدريجيا بعد الأسبوع 12 من الحمل والدراسات أثبتت إنه مالوش خطورة على الطفل بالعكس ده بيقلل من فرص الإجهاض.. وهو عموما شعور قد يهاجم الحامل في أي وقت خلال اليوم علشان كدة بينصح دايما إن الأم تاكل وجبات صغيرة لتخفيف الحمل على المعدة وتاكل سناكس صحية من مكسرات وفواكه والإبتعاد على الأطعمة اللي ليها ريحة قوية قد تكون مزعجة للأم. وللتغلب على غثيان الصباح بننصح الحامل أول ما تصحة تاكل أي نوع من أنوا المخبوزات المقرمشة.
 
2- الحموضة
أكتر أعراض الحمل انتشارا و اللي حوامل كتير بتعاني منه وسببه الأساسي هو نمو الجنين اللي بيشكل ضغط على المعدة وبيكون سبب إحساس الحرقان المصاحب للحموضة ولحسن الحظ فيه طرق طبيعية كتير لتخفيف أثرها منها تقسيم الوجبة والمضغ الجيد والبعد عن الأغذية الحارة والمقلية واللي فيها توابل كتيرو أيضا انتظار ساعة بعد الأكل لو فكرتي تنامي. وكمان فيه أدوية معينة لتقليل احساس الحرقان ده ممكن تسألي عنها طبيبك.
 
3- الإمساك
ارتفاع معدل هرمون البروستروجين خلال الحمل من مسببات الإصابة بالإمساك واللي ممكن يكون له أثر سلبي على الحامل وبعد الحمل لو ما تمش التعامل الصحيح معاه وأفضل شيء هو تناول الأم لأغذية غنية بالألياف وشرب السوائل بإستمرار.
 
 
4- آلام الظهر
عرض أساسي في الحمل بيظهر بوضوح في النص التاني من الحمل و بيكون نتيجة طبيعية لزيادة وزن الجنين وزيادة الضغط على العضلات والأوردة.. علشان كدة أفضل شيء هو تجنب حمل حاجات تقيلة والإستلقاء على الظهر والبعد عن الوقوف لفترات طويلة خلال اليوم مع ممارسة رياضة خفيفة لإراحة العضلات، وممكن كمان تعلمي مساج من فترة للتانية على ظهرك.
5- انتفاخ الأقدام واليد:
خلال الحمل بيقوم جسمك بإنتاج سوائل ودم أكثر بهدف تغذية الجنين والموضوع ده بيظهر جدا خلال الثلث الأخير من الحمل .. علشان كدة بينصح أن الأم ترفع رجلها عن الأرض لأطول مدة ممكنة وإنها تتجنب الأحذية اللي بكعب عالي أو البنطالونات أو الشربات الضيقة .
 
6- انسداد الأنف:
بيبتدي ظهور العرض ده من الشهر التاني للحمل وبيزداد مع تقدم الحمل وبيكون بسبب ارتفاع هرمون الإستروجين وتورم الأوعية الدموية الصغيرة في الأنف.. بينصح إتباع الأساليب الطبيعية في مقاومتها وإستخدام رذاذ الأنف الطبيعي المتوفر في الصيدليات أو المية الدافية بالملح.
 
7- التشنجات:
من الطبيعي الشعور ببعض التشنجات في محيط بطنك والرحم كنتيجة طبيعة لتغيراتك الهرمونية والجسدية في الحمل أفضل طريقة للتعامل معاها هو الإسترخاء وممارسة رياضة خفيفة زي رياضة التمدد ..لكن لو حسيتي إن الألم متزايد وغير محتمل فده يخليكي تتوجهي للطوارئ بسرعة لإنها ممكن تكون علامة للإجهاض أو إنفصال المشيمة عن الطفل.
 
 
8- متاعب في المثانة:
هتلاحظي مع تقدم حملك ظهور متاعب في المثانة خصوصًا لو ضحكتي او اتحركتي فجأة او حتى جالك كحة هتلاقي إن فيه تسرب بسيط للبول وده شيء طبيعي لإن عضالات المثانة بتسترخي أكتر استعدادا للولادة أو حتى راس الجنين بتكون ضاغطة على المثانة وده عرض بيختفي بعد عدة أسابيع من الولادة ..هتلاقي نفسك بتحتاجي دخول الحمام بإستمرار وخصوصا بليل.. حاولى تقللي من شرب السوائل بليل علشان تقدري تنامي وممارسة تمارين كيجل لإستعادة قوة عضلات المثانة من جديد.
 
9- الأرق:
بيظهر العرض ده في الثلث الأخير من الحمل نتيجة لقلة النوم وصعوبة وجود أي وضع مريح ليكي جسديا وبسبب المتاعب ديه بيكون النوم قليل وأوقات منعدم ..ننصحك تحاولى تشربي فنجان من الكاموميل والاستماع لموسيقى هادية و إنك تاخدي حمام دافي.
 
10 – التعب والإرهاق:
نتيجة لكل التغيرات الجسدية والهرمونية فالشعور المستمر بالتعب والإرهاق شعور طبيعي جدًا حتى لو أخذتي قسط كافي من الراحة والنوم علشان كدة خليكي حريصة على التعذية الجيدة ليكي ولطفلك والإبتعاد عن مسببات التعب على قد ما تقدري .. لكن لو شعرتي إن تعبك غير محتمل عليكي باستشارة طبيبك فورا.
 

LEAVE A REPLY

Please enter your comment!
Please enter your name here