أكبر مهرجان للأمهات والأطفال في القاهرة The Rahet Bally Experience

هنا هتعرفي كل حاجة عن أكبر مهرجان للأمهات في مصر اللي بتنظمه راحة بالي الشهر ده.

Laila (Aya) Sami

2208
0

 The Rahet Bally Experience هو أكبر مهرجان عائلي في السنة كلها، مهرجان لكل أفراد الأسرة.

مواعيد المهرجان:

 -الجمعة والسبت 22 و23 نوفمبر في مجرة الشيخ زايد.

-الخميس والجمعة والسبت 28 و29 و30 نوفمبر في كايرو فيستيفال سيتي في التجمع.

مجرة في الشيخ زايد جنب Capital مباشرة، أما في كايرو فيستيفال سيتي فهنكون في The Village المساحة المفتوحة في كايرو فيستيفال سيتي. كل يوم من 10 الصبح لـ10 بالليل.

أولًا: هتيجي إزاي؟

أيًا كانت الطريقة، هتكوني مرتاحة. في مجرة وفي كايرو فيستيفال سيتي لكِ ركنة مجانية. ولو مش عايزة تسوقي، كريم Careem عامل لك بروموكود 30% خصم على رحلتك من وإلى المهرجان.

 

ما بعرفش آخد راحتي والأولاد معايا:

لما بنقول إنه مهرجان عائلي لكل أفراد الأسرة، بنعنيها تمامًا. دا يوم تقدري انتِ وجوزك وأولادك تكونوا موجودين فيه وكلكم تتبسطوا. بناخد الولاد منك على الباب: لو ولادك فوق الأربعين يوم لحد سنة، عندنا فريق رائع من جليسات الأطفال. أما لو أكبر من سنة فعندنا أكتر من نشاط هيتبسطوا فيه ويقضوا وقت هايل: عندنا حواديت وcrafts يعملوها بإيديهم، يعملوا سلايم بنفسهم، يتسلقوا على tree house لو هم أكبر شوية، وLego جايب لهم 100 ألف قطعة ليجو يقدروا يلعبوا بيهم. جايبين لهم كمان عروض من شخصيات عالمية زي Peppa Pig اللي دا أول عرض له في مصر، وأول مرة يزور مصر بس مع راحة بالي، كمان فيه عروض سيرك وعروض سحرية فولادك هيتبسطوا جدًا وهتبقي متطمنة عليهم، وعندك وقت تدلعي انتِ فيه.

 

هتدلعوني إزاي بقى؟

لما بنقول دلع بنتكلم عن مساعد شخصي هيمشي جنبك طول الوقت، يشيل الشنط، وياخد عربية الأطفال stroller ويركنها. كمان هيبقى معاكي ستايلست خاص وانتِ بتختاري هدومك. بنتكلم عن شنطة هدايا فيها هدايا كتير. ميك آب ببلاش من لانكوم Lancôme، وBlue Salon by Snipps هيعمل لك شعرك وضوافرك ببلاش، هتاخدي كب كيك هدية من نولا Nola Cupcakes. وهتقدري تشتري هدوم ماركات محلية وعالمية وهتشوفيها على أمهات تانية، لأننا عاملين أول عرض أزياء في مصر قايم على فكرة إن الأمهات الحقيقية هم اللي يكونوا عارضات أزياءنا عشان تقدري تشوفي جسمك إيه اللي مناسب له وإيه اللي هيكون شكله حلو عليكي. كل الهدوم هيكون عليها خصومات وتخفيضات كبيرة وهيكون فيه Vouchers بخصومات هايلة، وكمان في حاجات هتاخديها هدية.

 

وجوزي هيقعد فين كل ده؟

بالنسبة للأزواج، فهيتبسطوا برضه، بالطريقة اللي يحبوها، فيه ألعاب video games وarcade. حتى الجدات لو جايين معاكي هيتبسطوا برضه، لأننا هناخد بالنا منهم وهيكونوا شايفينك وانتِ والولاد وجوزك مبسوطين.

 

هتسمعي قصص ملهمة

هيكون فيه كلمات هتقولها أمهات ناجحة في مجالات كتير بيحكوا لك خبراتهم وبينصحوكي. فيه كمان كلمات من أشهر خبراء التربية الإيجابية وعلم النفس والتغذية وكل حاجة محتاجة تسمعي عنها. لو بتحبي الطبيخ، هتلاقي عروض طبخ قدامك وكمان مسابقات تشتركي فيها مع الشيفات اللي بتشوفيهم وبتحبيهم في التليفزيون. هيبقى فيه فطار وغدا عليهم خصومات هايلة.

 

الدعوة عامة .. مستنيينك

لينك إيفينت مجرة الشيخ زايد

لينك إيفينت كايرو فيستيفال سيتي

LEAVE A REPLY

Please enter your comment!
Please enter your name here