دليل استشاريين الرضاعة الطبيعية في القاهرة

الرضاعة الطبيعية هي أول طريقة بتتواصل بيها الأم مع طفلها بعد الولادة مباشرة، لكن أمهات كتير بتخاف من خطوة الرضاعة الطبيعية، وخصوصًا
لو أول طفل فمفيش تجارب سابقة وكل معلوماتها من الانترنت أو المحيطين بيها من الأهل والأصحاب.

وعلشان كدة حسينا إنه مهم إننا نكلمك عن استشاريين الرضاعة الطبيعية في القاهرة وأماكن عيادتهم وإزاي ممكن يساعدوكي.

طبيعي يكون عندك مخاوف من الرضاعة الطبيعية، خصوصًا لو ليكي تجربة مزعجة سابقة، أو خبرات اللي حواليكي بتخوفك جدًا من الخطوة، وطبعًا النصايح المغلوطة
اللي بتتقال بحسن نية، وأشهرها “لبنك خفيف دخليله رضعة لبن صناعي” أو “صدرك وجسمك هايبوظوا”.

 

اعرفي هنا قائمة تطعيمات الأطفال الغير إجبارية

 

ولإن الرضاعة الطبيعية أهميتها للطفل والأم لا تقدر بثمن، لازم تأهلي نفسك للخطوة دي من وانتي حامل، وتلجأي للمتخصصين اللي هيساعدوكي تبدأي صح
مع رضاعة طفلك، الرضاعة الطبيعية أبدًا مش المفروض تكون مؤلمة ولا مزعجة ولا تسببلك زيادة وزن وآلام ليكي أو لطفلك.

علشان كدة مؤخرًا بدأت تظهر في مصر بشكل ملحوظ عيادات الأطباء الاستشاريين الدوليين في الرضاعة الطبيعية، واستشاري الرضاعة ده طبيب متخصص حاصل
على درجة علمية في المجال ده تحديدًا، من خلال أبحاث ودراسة وخبرات عالمية، رغم إنه تخصص نادر في مصر ومش كتير بيعرفوا عنه، لكن أصبح له عيادات في أنحاء الجمهورية حاليًا، وكل ما يتم
التوعية به أكتر كل ما أصبح متعارف عليه وفي مراكز دولية تحت إشراف الهيئات الرسمية بتقدم دراسته وشهادته المعترف بها دوليًا، وعادة اللي بيقبل على الحصول على رخصة الاستشاري
للرضاعة الطبيعية بيكون في الأساس طبيب أطفال.

 

استشاري الرضاعة الطبيعية بتساعدك في إيه؟

 

  • بتساعدك تتعلمي أوضاع الرضاعة الصحيحة علشان تتجنبي الألم ومشكلات الرضاعة الشائعة زي تشقق والتهاب الحلمات أو تكتل اللبن أو ألم الصدر أو الحلمة المسطحة.
  • كمان بتساعدك في نظام غذائي صحي تلتزمي بيه ميأثرش على وزنك ويزيد من إدرار اللبن.
  • وبمناسبة إدرار اللبن، فاستشاري الرضاعة بتساعدك كمان تتعرفي على عملية الرضاعة الطبيعية وحكاية اللبن الخفيف وليه الطفل ممكن ميشبعش وإزاي يشبع ويكبر ويرضع بشكل صح بدون ما يدخله هوا يسبب غازات وألم لبطنه.
  • استشاري الرضاعة بتساعدك كمان تتعاملي مع تغذية طفلك بشكل عام وبتجاوب كل الأسئلة والهواجس اللي ممكن تيجي في بالك تجاه الرضاعة وتغذية طفلك.
  • استشاري الرضاعة الطبيعية هاتكون معاكي خطوة بخطوة علشان تمري بتجربة رضاعة سهلة ومريحة.

النهادرة بنقدملك دليل أشهر 10 مراكز وعيادات استشاريين الرضاعة الطبيعية في القاهرة بالعناوين وأرقام التليفونات

1-دكتورة أسماء صادق

العنوان: عيادة LactAid clinics ميدان سانت فاتيما –مصر الجديدة- القاهرة (عمارة العجيل)
المواعيد من 6-10 م
التليفون: 01150921535
لينك الفيسبوك
https://www.facebook.com/DrAsmaaSadek

 

2-دكتورة شروق الهيتمي
العنوان: الاسكندرية، مركز السعادة
التليفون: 01095446315
035845869 – 01068019128
لينك الفيسبوك:
https://www.facebook.com/drshorouknutritionandbrestfeeding/

جروب لمشاركة الأمهات المرضعات نصائح للرضاعة تحت إشراف دكتورة شروق:
https://www.face book.com/groups/supportmothers

 

3- دكتورة حنان شلبي
عنوان العيادة: برج البسمة 3 ش حسن أفلاطون بجوار سفارة الإمارات أرض الجولف- مصر الجديدة- القاهرة
التليفون: 01116266240- 01016867008

 

4- دكتورة رانيا حسني تميرك
عنوان العيادة: المهندسين- 197ب شارع 26 يوليو- ميدان سفنكس- قريب من البنك الأهلي.
التليفون: 0106-6764-802- 0122-7427-104
لينك الفيسبوك:
https://www.facebook.com/dr.rania.tomerak

 

5- دكتورة مي سعد
عنوان العيادة: ٦٦ حي الاشجار طريق الواحات -6 أكتوبر
التليفون:01020255312
لينك الفيسبوك:
https://www.facebook.com/teflly/

 

6-دكتورة غادة سيد
عنوان العيادة: 8 ب شارع احمد فخري- مدينة نصر
تليفون: 01220280848
لينك جروب الفيسبوك:
https://www.facebook.com/groups/1636145326639643/

 

7- دكتورة جيهان فؤاد
عنوان العيادة: عمارة ١٠ امام نادي العبور الرياضي
تليفون: 01090494275

 

8- دكتور أحمد عفيفي
عنوان العيادة: عيادة إشراقة لطب الأطفال الحي الاول – سنتر الدوحة – خلف سنتر العبور – الدور الأول – مكتب
تليفون: 01020196232

 

9- دكتورة نائلة سعد الدين
عنوان العيادة: عيادة طفلى التجمع الخامس بجوار سفن ستارز
التليفون:01152271536

مركز الطبيب 30 مركز خدمات الحى الأول
التليفون:
01066050223

 

10-دكتور وسام نبيل الأهواني
عنوان العيادة: 69 عمارات عثمان -شارع مصطفى النحاس- مدينة نصر-القاهرة
التليفون: 20802018 – 01284708278

لإن كل نقطة لبن في الرضاعة الطبيعية لطفلك بتساعده يكبر وهو محمي من أمراض كتير، بتنمي ذكاءه ومهاراته وبتحميكي من أمراض أكتر، متتردديش تزوري استشاري رضاعة طبيعية بمجرد ما تولدي أو قبل الولادة، علشان تبدأي صح وتكون تجربة متتنسيش ليكي ولطفلك.

 

1 COMMENT

LEAVE A REPLY

Please enter your comment!
Please enter your name here