الحمل على الرغم من وجود اللولب

في الموضوع ده هتعرفي أكتر عن الحمل على الرغم من وجود اللولب

Rahet Bally Team

255
0

المشكلة دي بشتغل بال كتير من أمهات راحة بالي.. علشام كده حبينا نسأل الدكتور ونجيب ليكم الإجابة إللي تريحكم.

مفيش وسيلة منع حمل ممكن نقول عليها أحسن وسيلة لكن بتكون فيه وسيلة أكثر ملائمة لكل ست ودي حاجة الطبيب بيحددها مع كل حالة.

من أهم الوساوس المرتبطة باللولب هو إنه ممكن يحصل حمل على الرغم من تركيبه.. والحقيقة إنه اللولب بأنواعه النحاسي والفضي والهرموني نسبة حدوث حمل عليه لا تتعدى واحد في المية إذا توافرت فيه الشروط الاساسية وهي:

✔تركيب اللولب في وقت مناسب بيحدده طبيب متخصص وبواسطة طبيب خبير.

✔الالتزام بإنك ما تسيببش اللولب موجود أكتر من مدة عمره اللي بتختلف من نوع للتاني.

✔التاكد من سلامة مكان اللولب بالموجات الصوتية بعد التركيب مباشرة وبتكرر كل سنة أو حسب ما ينصح الطبيب.

✔اختيار نوع اللولب المناسب لحجم الرحم والالتزام بعدم الاعتماد علي اللولب في الحالات إللي بتعاني من عيوب خلقية أو أورام توثر علي تجويف الرحم أو إللي سبق ليها الحمل في وجود اللولب في مكانه.

✔وأخيرًا فان مسألة التأكد من وجود خيوط اللولب ما ينفعش الاعتماد عليها لوحدها للتاكد من سلامة اللولب خاصة إن أغلبية الستات ما بيعرفوش يحسوا بالخيوط دي.

✔في حالة تأخر الدورة الشهرية عن موعدها أكتر من أسبوع لازم نعمل اختبار حمل ونزور الطبيب لخلع اللولب والتاكد من سلامة ومكان الحمل في أسرع وقت لتقليل المضاعفات وإن كان الحمل مش بيحصل إلا في نسبة قليلة جدا لا تتجاوز ١٪‏من مستخدمي اللولب.

المادة الطبية مقدمة من دكتور تامر برج

لمزيد من المعلومات المفيدة زوري صفحة دكتور تامر برج

LEAVE A REPLY

Please enter your comment!
Please enter your name here