حملة تطعيم الحصبة: كل التفاصيل من وزارة الصحة

أعلنت وزارة الصحة والسكان عن بدء الحملة القومية للتطعيم ضد الحصبة، والحصبة الألمانية

Salwa Okasha

1734
0

أعلنت وزارة الصحة والسكان عن بدء الحملة القومية للتطعيم ضد الحصبة، والحصبة الألمانية، يوم 4/11 وهتستمر لمدة 3 أسابيع في كل أنحاء الجمهورية، الحملة هتستهدف تطعيم الأطفال المصريين وغير المصريين من “ضيوف مصر”.. حملة تطعيم الحصبة للأطفال إبتداء من سن 9 شهور وحتى 6 سنوات فى جميع المحافظات وفي المحافظات الحدودية التطعيم هيكون إبتداءً من سن 9 شهور وحتى 10 سنوات.

التطعيم بيكون متاح من خلال الوحدات الصحية، القوافل الطبية، ومكاتب الصحة، والحضانات والمدارس، ابتداءً من أول شهر نوفمبر وهتستمر لمدة 3 أسابيع.

الحملة انطلقت في إطار حرص وزارة الصحة لتقليل انتشار المرض والحفاظ على صحة الأطفال، وتم رصد حالات بالفعل حول العالم وأعلنت منظمة الصحة العالمية بداية السنة عن انتشار مرض الحصبة مرة اخرى بين الأطفال والكبار ودول كتير زي الولايات المتحدة وألمانيا وبريطانيا واليونان والكونجو أعلنت في بيان رسمي عن ظهور حالات للمرض وانتشاره.

ما هو مرض الحصبة:
الحصبة مرض فيروسي وممكن يسبب مضاعفات خطيرة والوقاية منه ممكن تكون عن طريق التطعيم.. المرض بيتنقل بين الأفراد عن طريق إستنشاق الرذاذ الحامل للمرض بيصيب الجهاز التنفسي ويتنقل لباقي أعضاء الجسم وفترة حضانة المرض غالبًا بتكون من 10 ل 14 يوم.

أعراض مرض الحصبة:
من ضمن أعراض الحصبة
– سخونة
– طفح جلدي على شكل بقع حمرا
– زكام
– إلتهاب الحلق
وفي الحالات الشديدة ممكن يسبب مضاعفات زي ألتهاب فى المخ أو إلإلتهاب الرئوي.

دليل أشهر استشاريين الرضاعة الطبيعية في القاهرة

أعراض الحصبة الألمانية:
أعراض مرض الحصبة الألمانية مش بيختلف عن الحصبة العادية لأنها بتسبب حمى وإلتهاب الحلق بس من أشهر أعراضها الجانبية هي إلتهاب الغدد الليمفاوية وتورمها فى الرقبة وتحت الأذن.

الوقاية من الحصبة:
طبقًا لمنظمة الصحة العالمية الوسيلة الفعالة للوقاية من المرض هي التطعيم بشكل روتيني، عشان كده مهم إنك تهتمي بتطعيمات أولادك الأساسية وتطعيمات الحملات زي حملة التطعيمات الحالية اللي بتكون جرعة تنشيطية للتطعيم الأساسي اللي الطفل بيطعمه عن سن سنة وسنة ونص.

ملحوظات مهمة:
– لو كنتي طعمتي إبنك من فترة قريبة استشيري دكتور طفلك لو ينفع إبنك ياخد تطعيم الحملة ولا لأ.
– تطعيم الحملة هتتعاملي معاه زي أي تطعيم بمعنى إنك لو إبنك تعبان أو سخن أو بياخد علاج لازم ترجعي للدكتور قبل ما ياخد التطعيم.
– لو حصلت أعراض حساسية لإبنك قبل كده من تطعيم الحصبة لازم تستشيري الدكتور.
– اسألي الدكتور لو فيه أي آثار جانبية للتطعيم وإزاي تخففي الوجع لو إبنك سنه صغير.

لو إبنك سنه كبير وهيطعم فى المدرسة مهدي ليه الفكرة عشان ميبقاش خايف وبنتمنى لكل الأطفال دوام الصحة والسلامة.

 

لينك خبر الحملة:
https://www.almasryalyoum.com/news/details/1440452
المصدر:
https://www.who.int/ar/news-room/fact-sheets/detail/measles

https://www.who.int/ar/news-room/fact-sheets/detail/rubella

LEAVE A REPLY

Please enter your comment!
Please enter your name here