دليلك السريع للتصرف مع لسعة القنديل

تعملي إيه لو ابنك لا قدر الله لسعه قنديل؟

Rahet Bally Team

130
0

بما إننا في موسم المصايف دلوقتي فاللأسف إحنا معرضين نقابل قناديل البحر وإللي بتكون لسعتها سخيفة جدًا..

 

نعمل إيه لو لاقدر الله طفلي لسعه قنديل؟

✔-هنغسل مكان اللسعة بمية البحر مش بمية الشرب.

✔-نحاول نجيب خل ونحطه على مكان اللسعة لمدة ربع ساعة ( لو رايحة تصيفي في مكان فيه قناديل خلي معاكي في شنطة البحر زجاجة خل صغيرة للطوارئ).

✔-القنديل بيسيب بقايا خيوط رفيعة على الجلد بتحرق جدًا.. هتحاولي تشيلي البقايا دي بحاجة زي البطاقة أو بجروف البحر مثلا.. لكن ما تحطيش إنتي إيدك خالص على المكان المصاب.

✔-هنحط طبقة من أي كريم موجود معانا وهنحاول نشيل بيها (بالكارت) أي بقايا موجودة من القنديل على الجسم زيادة تأكيد.

✔-بعد كدة ممكن نغطي المكان شوية تاني بقماشة فيها خل أو مية البحر لو مفيش خل علشان الألم يهدى.

✔-ممكن ناخد مسكن للألم للأطفال زي بروفين مثلا.

✔-هنكلم الدكتور في التيليفون يوصف لنا كريم مخصوص طبي.

الألم بيفضل موجود حوالي ساعتين والاحمرار في الجلد ممكن يقعد يوم أو يومين وعلامات خيوط القنديل على الجسم ممكن تفضل معلمة لمدة اسبوعين أو تلاتة وبتروح بالتدريج.

 

إمتى لازم نروح للدكتور فورا للطوارئ؟

-لو الطفل عنده ضيق تنفس ومش عارف يتنفس كويس أو دايخ أو حالته العامة مش سليمة أو لو الألم الشديد مستمر أكتر من ساعتين أو لو اللسعة كانت في العين أو الفم.

 

إمتى لازم نروح للدكتور بوجه عام

-لو ظهرت فقاقيع في الجلد.
-لو مكان اللسعة مش راضي يختفي لأكتر من أسبوعين.
-لو حالة الطفل مش مستقرة لأي سبب.

 

LEAVE A REPLY

Please enter your comment!
Please enter your name here