دليلك لتقديم الطعام الصلب لطفلك 

تقديم الطعام الصلب هو خطوة كبيرة بالنسبة لطفلك.. في الموضوع ده هنعرفك المعلومات المهمة قبل ما تاخدي الخطوة دي.

Rahet Bally Team

195
0

تقديم الطعام الصلب هو خطوة كبيرة بالنسبة لطفلك.. في الموضوع ده هنعرفك المعلومات المهمة قبل ما تاخدي الخطوة دي.

-لبن الثدي أو اللبن الصناعي هو الشيء الوحيد إللي البيبي بيحتاجه في بداية حياته.

-الجمعية الأمريكية لطب الأطفال بتوصي بالرضاعة الطبيعية الحصرية (الرضاعة الطبيعية بس) أول 6 شهور.

-من الشهور الرابع للسادس بيكون الطفل مستعد إننا نبدأ ندخل له أكل جنب الرضاعة الطبيعية أو اللبن الصناعي ودي شوية علامات إنه طفلك بقى مستعد إنه يبدأ يدوق الأكل:
-يقدر يرفع راسه وتكون مسنودة.
-يقدر يقعد لو فيه مسند جنبه أو دعم.
-بيحط إيده ولعبه في بقى أكنه بياكلهم.
-أول ما بيشوف أكل بيفتح بقه.

ودي شوية نصايح أول ما تبدأي:
✔-استمري في الرضاعة الطبيعية أو اللبن الصناعي زي ما الطفل متعود.
✔-مفيش ملح ولا سكر على الأكل أول سنة وبعد كدة يكونوا بكمية قليلة جدا جدًا.
✔-هتقدمي نوع واحد بس كل 3-5 أيام علشان تراقبي لو طفلك عنده تحسس أو حساسية منه ولا لأ. ولما تتطمني إنه مفيش حاجة ممكن تدخلي النوعين مع بعض.
علامات التحسس هي: القئ والاسهال والطفح الجلدي والانتفاخ الشديد والغازات الشديدة والتحسس هو ظهو الأعراض بشكل بسيط أما الحساسية فهي ظهور الأعراض بشكل خطير.
✔-الزنك والحديد مهمين جدًا في النص التاني من السنة الأولى لطفلك ودول موجودين في اللحوم المهروسة ووجبات الأطفال الجاهرة المدعمة بالحديد والزنك على سبيل المثال.
✔-بالنسبة لطعام الأطفال الجاهز هتخلطيه مع لبن الأطفال أو لبن الثدي وهتأكلي للطفل معلقة صغيرة أو إتنين بعد الرضاعة.
✔-من الشهر التامن ممكن تدخلي للطفل أكل يمسكه بإيده زي الفاكهة الطرية على سبيل المثال.
✔-بالنسبة للحساسية:
لو فيه أي حساسية في العيلة من أنواع معينة من الطعام ممكن تعملي التحاليل المتخصصة ليها قبل ما تفكري تقدمي الأصناف دي لطفلك.
✔-إنتي مش محتاجة تقدمي العصير للبيبي قبل عمر السنة لإنه بيتسبب في زيادة الوزن والإسهال وتسوس الأسنان (حتى لو ما طلعتش لسة) وهو مش حاجة أساسية في روتين تغذية البيبي. بعد عمر السنة ممكن تقدمي العصير على شرط يكون طبيعي ومتخفف بمية كتير، يعني فاكهة قليلة ومية كتير وطبعا من غير سكر.
✔-اللبن البقري وعسل النحل مش بيتقدموا للطفل قبل عمر السنة.

المصدر: مايو كلينيك

LEAVE A REPLY

Please enter your comment!
Please enter your name here