روتين الشعر الكيرلي: كيف تنفذيه خطوة بخطوة ؟

الموضوع ده دليلك السريع علشان تبدأي تعملي روتين الشعر الكيرلي صح وخطوة بخطوة

Laila (Aya) Sami

306
0
روتين الشعر الكيرلي

للستات اللي تعبت من طرق الفرد من الكيراتين والبروتين والبيبي ليس، وعايزين يجربوا يسيبوا شعرهم على طبيعته، هنا روتين الشعر الكيرلي للمبتدئين خطوة بخطوة هيساعد شعركم يظهر تحفة وعلى طبيعته.

المنتجات الممنوعة للشعر الكيرلي:

المنتجات الممنوعةالبديل المتاح
شامبوهات فيها سلفاتلغسيل الشعر بنستخدم بلسم أو شامبو خالي من السلفات
فرش الشعرمشط واسع أو صوابعك لفك التشابك
حرارة عالية من البيبي ليس أو السيشوارديفيوزر أو بونيه حراري على حرارة منخفضة أو نسيب شعرنا ينشف في الهوا
فوط عادية لتنشيف الشعرتيشيرت قطن أو فوطة مايكروفايبر
أي منتج فيه مواد ما بتدوبش في الميا زي الpetroleum  والسيليكون والسلفات.بصي على مكونات أي منتج وتجنبي المكونات الممنوعة.

 

ليه أصلًا يكون فيه منتجات ممنوعة؟

علشان المنتجات دي فيها مواد بتنشف الشعر وبتهلكه وممكن تسيب عليه آثار سواء تقصيف أو أجزاء مفرودة مهما اتعالجت بمنتجات.

 

خطوات روتين الشعر الكيرلي :

  • الخطوة الأولى هي قرارك إنك تمشي على الروتين. وساعتها بتغسلي شعرك آخر غسلة بالشامبو أو الfinal wash. الشامبو اللي هتستخدميه المرة دي هيكون خالي من السيليكون بس فيه سلفات. الخطوة دي بتشيل أي مواد متراكمة في الشعر من المنتجات اللي استخدمتيها قبل كدا.

 

  • خطوة تنضيف الشعر: كل مرة هتغسلي فيها شعرك هتغسليه إما بشامبو خالي من السلفات والسيليكون زي sanosan وCorine de Farme وEvery Strand وBless، أو هتغسلي شعرك ببلسم (كو ووش co wash). الكو ووش بيبقى إنك تغسلي فروة راسك وتدلكيها كويس  لمدة ما تقلش عن خمس دقايق ببلسم مكوناته مش مضرة زي: لوڨيا Lovea وسيوس syoss وإنليفن enliven وسواڨ Suave وVO5 ونفرتاري. بعد الخمس دقايق، اشطفي الشعر وفروة الشعر كويس جدا عشان تضمني نضافته.

 

  • خطوة بعد التنضيف: حطي بلسم مرة تانية وسيبيه خمس دقايق وابدأي سرحي شعرك بمشط واسع أو بصوابعك عشان تفكي التشابك. لازم تسرحي الشعر بس وهو مبلول وعليه البلسم، عشان البلسم هيزحلقه ويفك التشابك اللي فيه أسهل. تسريحه وهو ناشف هيقطعه ويضعفه. بعد كدا، اغسليه خالص أو سيبي شوية منه في شعرك زي ما تحبي.

 

  • خطوة الحاجة اللي هنسيبها على الشعر: حطي فيه بلسم (leave in conditioner – يعني البلسم اللي بيتساب في الشعر) ودا بدل ما تحطي كريمات. ممكن كمان لو حابة تحطي چل أو تسيبي مع البلسم زيوت مغذية زي الأرجان أو الجرجير أو غيرها.

 

  • خطوة الستايلينج: فيه طرق كتير تقدري تعملي بها شكل حلو للشعر الكيرلي. منهم طريقة السكرانشنج scrunching اللي هو انك تمسكي طرف الشعر من تحت وترفعي لفوق مع ضغطه. وفيه finger coiling وهو إنه بصوابعك تلفي خصلة خصلة على صوابعك عشان الكيرلات تبان أكتر. فيه طريقة لف خصل الشعر حوالين بنس أو حتى أقلام.
  • لازم قبل النوم تعملي شعرك أناناسة، يعني ترفعيه كله في حلقة لفوق ولازم المخدة تبقى ستان أو تحطي عليها طرحة ستان أو حرير لإن القطن هيمتص الترطيب من شعرك ودا هيخليه يهيش.

    دي منتجات الشعر الكيرلي اللي استخدمنها في الخطوات اللي فوق:

  • شامبو خالي من السلفات والسيليكون ( sanosan ,Corine de Farme ,Every Strand ,Bless).
  • بلسم شعر: لوڨيا Lovea , سيوس syoss , إنليفن enliven , سواڨ Suave , VO5 , نفرتاري.
  • بلسم شعر (leave in conditioner ).
  • مشط واسع

 

مصدر ساعدنا في كتابة المقال:

https://www.facebook.com/groups/621900137980455/

LEAVE A REPLY

Please enter your comment!
Please enter your name here