زيادة الوزن في فترة الحمل

كتير من أمهات راحة بالي الحوامل مش بيبقوا عارفين يزيدوا وزن أد إيه في الحمل.. في  الموضوع ده هتعرفي تفاصيل أكتر 

Rahet Bally Team

194
0

كتير من أمهات راحة بالي الحوامل مش بيبقوا عارفين يزيدوا وزن أد إيه في الحمل.. في  الموضوع ده هتعرفي تفاصيل أكتر

أثناء الحمل الزيادة الطبيعية المتوقعة للوزن بتكون من 9-12 كجم.

خلينا نقول لك تزيديهم إزاى؟ 

فترة الحمل بتكون 40 اسبوع:
أول 3 شهور معدل الزيادة الطبيعية بيكون 0.5 كجم كل 3 أسابيع (تقريبًا 2 كجم خلال 14 أسبوع).

بعد كده بتزيدي بمعدل 1 كجم كل 3 أسابيع إلى نهاية الحمل يعنى تقريبا من 8-10 كجم (خلال26 أسبوع الباقية).

الكلام ده لو إنتى بداتى حملك بوزن مظبوط يعنى معدل كتلة الجسم من 19 الى 25
لكن لو معدل كتلة الجسم فى بداية الحمل أقل من 19 هتحتاجي تزيدي وزن أكتر من 12كجم فى فترة الحمل.

ولو معدل كتلة الجسم أكتر من 30 الزيادة فى الوزن أثناء الحمل هتكون أقل من 9 كجم.

علشان نحسب معدل كتلة الجسم، هنقسم الوزن بالكجم على مربع الطول بالمتر.

لازم تعرفي إنه الرضاعة الطبيعية مفيدة ليكي زي ماهي مفيدة جدًا للبيبي وبتستهلك طاقة كتير وبتحرق تقريبا فى اليوم الواحد حوالي 500 كالوري زيادة عن معدل الحرق الطبيعي.

للسبب ده، بسهولة جدًا تقدري تفقدي الوزن إللى زاد أثناء الحمل لو التزمتي بالرضاعة الطبيعية المنتظمة مع غذاء صحى متوازن (مش دايت ولا حرمان) وشرب سوائل كفاية بدون سكر وخصوصا الماء ومش لازم تاخدي حلاوة ومغات والحاجات إللي بتزود الوزن علشان ترضعي كويس.

تم التصديق على المعلومات الطبية الواردة في المقال من أ. د. إيمان علي استشاري النساء والتوليد والحقن المجهري

LEAVE A REPLY

Please enter your comment!
Please enter your name here