طريقة عمل الجرانولا في البيت

هنقولك طريقة عمل الجرانولا في البيت بأبسط وأسرع خطوات

Shaymaa El-Gammal

94
0
طريقة عمل الجرانولا بالعسل
طريقة عمل الجرانولا بالعسل

ساعات كتير بنكون عايزين ناكل حاجة مسكرة إحنا والأولاد وتكون صحية في نفس الوقت.. النهاردة هنقولك طريقة عمل الجرانولا بالعسل في البيت.. أكلة سهلة وصحية وسريعة.

شوفي طريقة عمل قالب البطاطس باللحم المفروم هنا

مقادير الجرانولا بالعسل:

– الشوفان: 2 كوب ونصف
– لوز : ربع كوب (مفروم خشن)
– عين الجمل : ربع كوب (مفروم خشن)
– العسل : ربع كوب
– الزبدة : ربع كوب
– الفانيليا : ملعقة صغيرة
– ملح : ربع ملعقة صغيرة
– الفواكة المجففة : ربع كوب
– جوز الهند : نصف كوب

طريقة عمل الجرانولا بالعسل:

  • سخني الفرن على حرارة 350 درجة.
  • جهزي صينية مستطيلة وبطنيها بورق الزبدة ورشة زيت نباتي.
  • اخلطي الشوفان والجوز واللوز وحطي الخليط في الصينية وودخليها الفرن لمدة 10 دقائق لحد ما تتحمص المكونات وبعدين حطي الخليط في علبة.
  • حطي العسل والزبدة في حلة على نار متوسطة وقلبي لحد ما الزبدة تدوب وبعدين شيلي الحلة من على النار.
  • ضيفي للحلة خليط الشوفان والمكسرات المحمصة وقلبي المكونات على بعض لحد ما تتمازج.
  • ضيفي الفواكة المجففة وجوز الهند وقلّبي.
  • حطي الخليط في الصينية تاني وساوي الوش بالمعلقة ودخليه التلاجة لمدة ساعتين.
  • قطعي الخليط مربعات وقدميه. 


    لو كنتي من من محبي الكريب, هنا هتعرفي أسهل طريقة لعمل الكريب

LEAVE A REPLY

Please enter your comment!
Please enter your name here