حلى الزبادي: طريقة عمل بارفيه الزبادي بالموز والخوخ

في الموضوع ده هنقولك إزاي بخطوات بسيطة تعملي حلىسهل وسريع هو حلى الزبادي أو بارفيه الزبادي

Asmaa Darwish

163
0
طريقة عمل حلى الزبادي - حلى سهل

البارفيه أو حلى الزبادي هو حلى سهل وسريع .. البارفيه عبارة عن طبقات من الزبادي مع الفواكه الطازة أو المجففة أو حتى المجمدة متحلية بالعسل أو بدون عسل. ممكن تضيفي لها كمان أي نوع من أنواع الشوفان أو الجرانولا أو حتى الكوكيز المفتفتة أو أي نوع بسكوت تحبيه وتشكّليها في شكل طبقات في كوبايات أو كاسات وده بيكون الشكل التقليدي للبارفيه.

النهارده اختارنا لك حلى الزبادي بالخوخ والموز لأنهم من الفواكه المتوفرة في الأسواق بشكل كبير وكمان طعمهم بيكون لذيذ جدًا تقدري تاكليه كفطار أو عشا أو حتى سناك صحي بين الوجبات.

 

مقادير بارفيه الزبادي

  • 2 كوب زبادي كامل الدسم (ممكن تستخدمي خالي الدسم أو الزبادي اليوناني)
  • 1 معلقة كبيرة عسل أبيض
  • 1 ثمرة خوخ
  • 1 ثمرة موز
  • لوز محمص للوجه
  • رشة قرفة
  • 3 معلقة كبيرة شوفان أو جرانولا

ممكن تشوفي هنا .. طريقة عمل الأرز باللبن لطفلك الدارج 

طريقة حلى الزبادي (البارفيه):

في كوباية شفافة طويلة رصي طبقات من الزبادي والعسل والشوفان ورشي شوية قرفة وضيفي قطع الموز والخوخ وعيدي الطبقات تاني لحد نهاية الكوب وزيّني الوش باللوز المحمص. قدميه على طول عشان الشوفان أو الجرانولا تحافظ على قرمشتها.

LEAVE A REPLY

Please enter your comment!
Please enter your name here