ليه الأمهات بيحبوا ظافر العابدين في عروس بيروت؟

ليه الأمهات بيحبوا ظافر العابدين في مسلسل عروس بيروت؟

Salwa Okasha

293
0

من أول شهر سبتمبر اللي فات قناة MBC4 ابتدت تعرض مسلسل عروس بيروت من الأحد للخميس الساعة 8 بتوقيت القاهرة، بطولة ظافر العابدين اللي بيقوم بدور “فارس ضاهر” وكارمن بصبيص فى دور “ثريا”، والمسلسل ده حاز على إعجاب متابعين كتير وخصوصا الأمهات اللي كتير منهم بيتابعوه وهو من أجمل مسلسلات ظافر العابدين.

وهنا هنتكلم عن سر اعجابهم بدور فارس فى “عروس بيروت”.

1- بيحاول يهزر معاها ويخرجها من الموود وهي زعلانة:
في بداية معرفتهم ببعض كانت ثريا متعصبة جدًا ومضايقة. لما اتحطت قدام الأمر الواقع واضطرت تركب معاه عشان التاكسي اللي كان هيوديها للأوتيل عطل ولما كانوا مع بعض فى العربية ومش طايقة نفسها قالها “ع فاكرة وإنتي عابسة كتير حلوة” عشان بس يحاول يهديها ويخليها تضحك.

مسلسلات ظافر العابدين - ظافرالعابدين في عروس بيروت - مسلسل عروس بيروت
ظافرالعابدين في عروس بيروت


2-مش عايز يسيبها ويروح الشغل:
فى مشهد تاني وهو كان بيسلم عليها الصبح قبل ما يروح الشغل كان زعلان ومضايق إنه ماشي وهيسيبها وبيقولها “كيف بدي أروح على الشغل وأتركك” ووعدها إنه مش هيتأخر وهيرجع على طول.

مسلسلات ظافر العابدين - ظافر العابدين في عروس بيروت - مسلسل عروس بيروت
ظافر العابدين في عروس بيروت


3-عمل فرح ليها لما عرف إنها حامل:
لما ثريا عرفت إنها حامل وقالتله الخبر مكنش مصدق نفسه وقعد يجري وهو مبسوط بالخبر وجري يقول لكل أهل البيت عن خبر حمل ثريا.

مسلسلات ظافر العابدين - ظافر العابدين في عروس بيروت - مسلسل عروس بيروت مسلسلات ظافر العابدين - ظافر العابدين في عروس بيروت - مسلسل عروس بيروت
ظافر العابدين في عروس بيروت


4-بيكلمها ويتناقش معاها بهدوء وتفاهم هو بيعاتبها:
لما فارس عرف من خليل إن ثريا كانت السبب إن مامتهم تدخل المستشفى، طلب إنه يقابلها فى الكافيه ويتكلم معاها فى الموضوع وفعلا عاتبها بهدوء وطلب منها إنه هو اللي يتصرف وتثق فيه وإنه هو دايمًا بيدعمها وبياخد حقها.

مسلسلات ظافر العابدين - ظافر العابدين في عروس بيروت - مسلسل عروس بيروت
ظافر العابدين في عروس بيروت


5-بيخاف عليها من العصبية وهي حامل:
لما ثريا اتخانقت معاه وكانت متعصبة وسابته ومشيت عشان كان رافض إنها تشتغل وهي حامل وطلب منها تقعد فى البيت لحد ما تولد ومفيش شغل إلا بعد الولادة، مرضاش يسيبها وهي زعلانة وصالحها وقالها إن العصبية غلط على الحمل.

مسلسلات ظافر العابدين - ظافر العابدين في عروس بيروت - مسلسل عروس بيروت
ظافر العابدين في عروس بيروت


6- بيعاملها معاملة خاصة وبيدلعها:
فارس بيهتم جدًا بتفاصيل ثريا وبيحاول يبسطها حتى لو بحاجة بسيطة زي إنه يعرف نوع القهوة اللي بتحبه و يجيبه ليها و”الفريز” أو الفراولة اللي كان نفسها فيها وهي حامل.

مسلسلات ظافر العابدين - ظافر العابدين في عروس بيروت - مسلسل عروس بيروت
ظافر العابدين في عروس بيروت


7-مش بيتكسف يبوس إيدها قدام الناس
وأخيرا على مدار الحلقات دايما بنلاقى فارس بيبوس إيد مراته حتى لو قاعدين فى مكان عام ومش بيتكسف خالص إنه يحسسها إنها أهم حاجة فى حياته وبيفكرها بكده على مدار يومه.

مسلسلات ظافر العابدين - ظافر العابدين في عروس بيروت - مسلسل عروس بيروت
ظافر العابدين في عروس بيروت

يا ترى مين فيكم بتتفرج على مسلسل عروس بيروت؟

LEAVE A REPLY

Please enter your comment!
Please enter your name here