فوائد الرمان الصحية هتخليكي ما تبطليش تاكليه

في الموضوع ده هنقولك على فوائد الرمان إللي أول ما تعرفيها مش هتبطلي تاكليه

Yomna Maheny

99
0
فوائد الرمان الصحية

الرمان من أجمل الفواكه الموسمية المنتشرة خلال الفترة دي من السنة. ده غير إنها محببة لعدد كبير من الناس؛ لإنها لذيذة. المؤرخين بيقولوا إن أصله من بلاد فارس. وإن من كثرة فوائد الرمان كان بيستخدم من زمان لأغراض صحية غير الأكل لأنه غني بالعناصر اللي لها طابع علاجي. الحلو في الرمان إننا نقدر نستخدمه مش بس كفاكهة منعشة وإنما كمان في السلطات وفي أطباق صحية كتيرة منتشرة في مطبخ دول البحر المتوسط. حتى قشر الرمان كان بيستخدم زمان في دباغة الجلود وفيه فوائد كتير لقشر الرمان.

لمتبعي الرجيم .. اعرفي السعرات الحرارية لأشهر الأكلات

 وهنقولك في السطور القادمة أهم فوائد الرمان:

  • فوائد الرمان للصحة والجسم: الرمان فاكهة غنية جدًا بالفيتامينات والمعادن ومضادات الأكسدة القوية جدًا وتقدر تدافع عن جسم الإنسان ضد الأمراض. ومن الفيتامينات دي فيتامين ألف a وباء b وسي c وكافk   ومعادن زي البوتاسيوم والصوديوم والكالسيوم وحتى الفسفور.
  • الرمان مفيد جدًا للقلب لأن له قدرة على خفض معدلات الكوليسترول في الدم وبيمنع تكوّن الكوليسترول الضار في الدم وده له أهمية كبيرة جدًا في الحفاظ على صحة الأوعية الدموية.
  • الرمان له دور في الحفاظ على صحة الأسنان وده بسبب إنه غني بالمواد المضادة للأكسدة. لما تستخدمي غسول للأسنان بيحتوي على الرمان لمدة أربع أسابيع هتلاحظي تغير في صحة أسنانك وصحة اللثة غير إنه له قدرة على القضاء على البروتين المسبب لتكوين البلاك على الأسنان.
  • الرمان كمان غني جدًا بالحديد. علشان كده بيتوصف في حالات الأنيميا وحالات التهابات المفاصل وهشاشة العظام وحتى التهابات العيون.
  • فوائد الرمان للبشرة: من الحاجات اللي اكتشفها خبراء التجميل إنه الستات اللي أكلوا الرمان بشكل منتظم كانت علامات التقدم في السن والشيخوخة عندهم أبطأ بكتير من الستات اللي مش بيدخلوه في نظامهم الغذائي.
  • خبراء التغذية بينصحوا إنك تشربي كوباية عصير رمان في اليوم عشان يرفع من معدلات مضادات الأكسدة في جسمك ويخفض من السكر في الدم ويقوي القلب ويحافظ على صحة البشرة ويحافظ على الجهاز الهضمي ويعزز من قوة الجهاز المناعي.

بننصحك إنك تاخدي خطوة حقيقية في استهلاك الرمان بشكل يومي عشان تتمتعي بصحة أفضل بفضل الفوائد ديه كلها.

المصدر

https://www.healthline.com/nutrition/12-proven-benefits-of-pomegranate

 

LEAVE A REPLY

Please enter your comment!
Please enter your name here