من أكتر الفترات اللي الست بتقلق فيها على شكل جسمها وعلى شكل لبسها وطلتها وأناقتها هي فترة الحمل. ده لأن غالب الوقت الفلوس اللي مخصصة للحوامل بتبقى كبيرة قوي وكمان مع تغير شكل الجسم ممكن تتضايق الأم من أماكن معينة في جسمها أو حتى من شكل جسمها بشكل عام. كمان معظم المحجبات بيكونوا متضايقين لإن الموديلات المعروضة للحوامل ساعات بتكون ضيقة قوي. في المقال ده، هنكلمك عن موديلات حوامل محجبات كاجوال تقدري تلبسيها في شتاء 2020. يعني هتحسي براحة لوسع الموديلات وهتحسي إن حركتك بقت سلسة وسهلة وفي نفس الوقت، هتحافظي على أناقة طلتك مع الموديلات دي.

 

أول موديل هنتكلم عنه هو الفستان

 

 

 

 

 

طبعًا الفستان من أشهر ملابس الحمل لإنه أكتر طريقة مريحة. تقدري تشتري فساتين واسعة جدًا كلها أو فساتين وسطها متحدد وواسعة من تحت. تقدري تختاري فستان شتوي وتضيفي له جاكيت وخدي بالك من إن الفستان يكون سادة والجاكيت مشجر أو العكس، يعني بلاش تبقى القطعتين سادة بس أو القطعتين مشجرين.

 

 

الموديل التاني هو الجيب الهاي ويست (high waist)

 

 

دي الجيب اللي بيكون وسطها عالي فبيبدأ من أول البطن وبياخد البطن كلها وتقدري تلبسي من فوقها بلوزة وتدخليها في الجيب وفوقها جاكت أو حتى تلبسي بول-أوفر pullover واسع وطويل.

 

الموديل الثالث هو البالطو الواسع

 

 

شكل البالطو زي ما انتِ شايفة في الصور بيكون مضبوط من عند الكتف بس وواسع جدًا من بعد الكتف. وده هيوفر لك الوسع والراحة لبطنك وحركتك هتكون أسهل وكمان ستايلك شيك وأنيق.

 

الموديل الرابع هو الكاب Cape

 

 

 

لا ما نقصدش هنا كاب الشعر. الكاب شبه الشال والبونشو بتلبسيه حوالين أكتافك وبتربطي من فوق إما بزرار أو بروش وممكن تلبسي من تحته أي هدوم. أحسن استخدام له لو انتِ جسمك حساس للحرارة؛ يعني بتحسي بالحرارة وبتعرقي بسهولة، سواء طول عمرك أو في فترة الحمل بس. هنا تقدري تلبسي حتى تلبسي بلوزة خفيفة وجيب وتحطي الكاب على كتفك.

 

نتمنى لك شتاء 2020 سعيد وأنيق في حملك.

 

مصدر الصور موقع Pinterest

SHARE

LEAVE A REPLY

Please enter your comment!
Please enter your name here