مسئوليات الأمهات مبتخلّصش وكمية المعلومات والطلبات إللي بتدخل دماغنا يوميًا متتعدش، لو إنتِ من الأمهات إللي دايمًا محتاجة مساعدة لكن مش بتلاقيها بسهولة من الناس حواليكي، وفري على نفسك وخلّي موبايلك يبقى هو المساعد الشخصي ليكي.

كتير بنحتاج  حد يفكرّنا بمواعيد الدكتور، وينبهنا قبل ميزانية البيت ما تخرّم ع الأخر، يساعدنا نلتزم برجيم صحي ووصفات أكل سهلة وسريعة، وأكيد دايمًا محتاجين عين تالتة تراقب معانا الأطفال.

علشان كدة، إدّي نفسك فرصة تتنفسي وترتاحي شوية وحملي 10 تطبيقات موبايل مفيدة لكل أم أكيد هتساعدك  وتخلي يومك أفضل:

تطبيق Flo  لمعرفة توقيت الدورة الشهرية
لو بتواجهك صعوبة إنك تفتكري امتى كان أخر يوم في دورتك الشهرية، أو توقيت الدورة الجديدة ايه، فأكيد هتحتاجي أبلكيشن Flo، لإنه مش بس هيفكرّك، لكن هيوضحلك أيام الخصوبة والتبويض وده هيساعدك جدًا لو بتفكري في الحمل أو بتستخدمي وسيلة منع حمل معتمدة على حسابات أيام الدورة الشهرية، وكمان علشان تمنعي المفاجأت غير المرغوب فيها.

للتحميل على أجهزة أندرويد:
https://play.google.com/store/apps/details?id=org.iggymedia.periodtracker
للتحميل على أجهزة IOS:
https://apps.apple.com/us/app/flo-period-ovulation-tracker/id1038369065

 

تطبيق Monefy لميزانية مصروفاتك:
مصروف البيت دايمًا بيخرم وبيخلص قبل نصف الشهر ما يعدي؟ تطبيق Monefy هيساعدك تظبطي ميزانيتك حسب دخلك، وكمان هيحطلك بنود للتوفير، هيقسملك مصروفاتك في أشكال بيانية لطيفة جدًا وسهلة الفهم، هتلاقيه باللغة الأنجليزية لكن ده ميمنعش إنه سهل ومريح وكمان مجاني الاستخدام.

لتحميل التطبيق من أجهزة أندرويد:
https://play.google.com/store/apps/details?id=com.monefy.app.lite
لتحميل التطبيق من أجهزة IOS:
https://apps.apple.com/us/app/monefy-money-manager/id1212024409?ls=1

 

تطبيق Keep لتنظيم حياتك
مين فينا مش محتاجة حد يكتبلها قوائم الشراء من السوبرماركت؟ ويفكرها بالغسيل اللي عايز يتغسل؟ ومواعيد تمارين الولاد، ومفيش مانع من معاد الكوافير وملاحظات اللي بناخدها في الشغل ومنلحقش نكتبها.. شخصيًا الأبلكيشن ده مقدرش استغنى عنه! عامل زي مديرة حياتي، بسجل عليه كل اللي ورايا بسهولة وهو بقى يفكرني.

للتحميل من أجهزة أندرويد:
https://play.google.com/store/apps/details?id=com.google.android.keep
للتحميل من أجهزة IOS:
https://apps.apple.com/us/app/google-keep-notes-and-lists/id1029207872

 

تطبيق OVIA للحوامل والمرضعات
في فترة الحمل وبعد الولادة بيدور في بالك مليون سؤال، ياترى البيبي بيتطور صح؟ ياترى اللي بحس بيه ده طبيعي؟ أرضعه كام مرة؟ طيب المفروض في الشهر ده يتطور إزاي؟ التطبيق ده يعتبر من أهم تطبيقات الأم الحامل، هيجاوبك على كل أسئلتك بخبرة ومعلومات طبية موثقة.

للتحميل من أجهزة أندرويد:
https://play.google.com/store/apps/details?id=com.ovuline.parenting
للتحميل من أجهزة IOS:
https://apps.apple.com/us/app/ovia-parenting-baby-tracker/id1106614359

 

تتطبيق Baby+
خلاص البيبي وصل بالسلامة ووصلت معاه مسؤوليات جديدة من أكل وشرب وتغير حفاضات وتطور ذهني وجسدي، كل ده بيساعدك تتابعيه وتتعرفي عليه بشكل بسيط تطبيبي بيبي بلس.

للتحميل من أجهزة أندرويد:
https://play.google.com/store/apps/details?id=com.hp.babyapp
للتحميل من أجهزة IOS:
https://apps.apple.com/us/app/baby/id1093774002

 

تطبيق White noise
نفسي البيبي ينام ويخليني أنام، مفيش أم مبتقولش الجملة دي وبتدور على مليون طريقة علشان تساعد ابنها ينام خصوصًا لو لسة حديث الولادة، من التطبيقات الموصي بها تطبيق الضوضاء البيضاء وهو عبارة عن أصوات شبيهة بالأصوات اللي البيبي كان بيسمعها وهو جنين وبالتالي بتساعده ينام بهدوء وسهولة.

للتحميل من أجهزة أندرويد:
https://play.google.com/store/apps/details?id=com.kitefaster.whitenoise
للتحميل من أجهزة IOS:
https://apps.apple.com/us/app/white-noise-deep-sleep-sounds/id1083248251

 

 تطبيق Fitberry للوصفات الصحية
التطبيق ده هو دليلك للأكلات الصحية اللذيذة والسريعة في المطبخ، سواء بتعملي رجيم أو بتدوري على نظام أكل صحي ومش معقد.

للتحميل من أجهزة أندرويد:
https://play.google.com/store/apps/details?id=com.riatech.fitberry
للتحميل من أجهزة IOS
https://apps.apple.com/us/app/fitberry-healthy-diet-recipe/id1177953725

 

تطبيق Baby Monitor 3G
لوعايزة تراقبي ابنك في الكاميرا وهو نايم أو بيلعب في غرفة بعيد عنك وانتي في المطبخ أو مكان تاني في البيت، يبقى بيبي مونتور اختيارك للمهمة دي، ساعات بيكون ورانا حاجات لازم ننجزها لكن مفيش حد يراقب البيبي لو صحي وعيط أو بيلعب ووقع أو الأحداث المشابهة، علشان كدة التطبيق ده مهم على موبايلك.

للتحميل من أجهزة أندرويد
https://play.google.com/store/apps/details?id=com.tappytaps.android.babymonitor3g&hl=en
للتحميل من أجهزة IOS
https://apps.apple.com/us/app/baby-monitor-%203g/id490077681

 

 تطبيق Lose it لإنقاص الوزن
بتدوري على نظام دايت ومش عارفة تبدأي منين؟ وايه اللي يناسبك وعدد السعرات الحرارية المطلوبة كل يوم، التطبيق ده هيساعدك تختاري الرجيم المناسب ليكي ولوزنك ولنظام حياتك كمان مش بس كدة وهيشجعك تستمري عليه لحد ما تلاقي النتيجة اللي ترضيكي.

للتحميل من أجهزة أندرويد
https://play.google.com/store/apps/details?id=com.fitnow.loseit&hl=en
للتحميل من أجهزة IOS
https://apps.apple.com/us/app/lose-it-calorie-counter/id297368629

 

تطبيق Smart Closet – Fashion Style
خلصنا شغل البيت وطلبات الأولاد، نهتم بنفسنا ومظهرنا ونتّدلع شوية، ولإن دماغك مشغولة كفاية إنك تعرفي تنسقي لبسك وتفتكري القطع المنسية في دولابك، فالتطبيق ده اعتبريه الاستايلست الخصوصي عندك، صوري ملابسك وارفعيها للتطبيق وسيبي عليه الباقي من تنسيق وترتيب، وكمان نصايح في الموضة تنافسي بيها أكبر فاشونستا!

للتحميل من أجهزة أندرويد
https://play.google.com/store/apps/details?id=com.rkk.closet&hl=ar
للتحميل من أجهزة IOS:
https://apps.apple.com/us/app/smart-closet-fashion-style/id1198057728

 

ودلوقتي لو عندك اقتراحات لتطبيقات موبيل سهلة ومفيدة، جربتيها وساعدتك، شاركينا بيها؟

SHARE

LEAVE A REPLY

Please enter your comment!
Please enter your name here