تعالي نحكيلك حكاية سن المراهقة إللي أكيد هتعدي بيها.. ابنك حبيبك إللي مكانش بيبطل ضحك وهزار بقى معظم الوقت جسمه مكسّر وعايز يبقى لوحده ومش عايز يخرج معاكوا؟ بنتك الجميلة إللي مكانتش بتبطل رغي. بقت بتسكت كتير ومباقتش بتحكيلك أسرارها في الوقت إللي بتكلم صاحباتها بالساعات؟

بتلاحظي تغييرات كبيرة على بنتك أو ابنك لما يبدأ يدخل سن المراهقة.. كأنهم بقوا حد تاني متعرفيهوش، لازم تفهمي أن فترة المراهقة بتبقى مرحلة انتقالية بين الطفولة والرشد وبيحصل لأولادك فيها تغييرات كبيرة أوي على كل المستويات سواء الجسمانية أو العاطفية أو الفكرية.

مهم أوي تعرفي علامات فترة المراهقة إللي بيمر بيها ابنك أو بنتك علشان متتخضيش من التغيير ده وعلشان تعرفي تتعاملي معاهم صح وتعدّوا سوا المرحلة دي بسلام.

فترة المراهقة بيقسموها لتلات مراحل:

علامات فترة المراهقة:

  • نمو جسماني سريع. بداية البلوغ بتكون للبنات المتوسط من سن 10-14 والولادة من سن12-16.
  • ظهور الشعر عند الجنسين ونمو الثدي عند البنات.
  • تغيير في صوت الأولاد
  • زيادة الإهتمام بالجنس الآخر.
  • الرغبة في الإستقلالية عن الأسرة والتوجه للأصدقاء من نفس السن.
  • تغير الاهتمامات من اللعب للاهتمام بالمظهر والشكل العام.

 

طيب إزاي تتعاملي مع ابنك أو بنتك في المرحلة الحرجة دي؟

مهم أوي قبل ما تعرفي إزاي تتعاملي مع ابنك المراهق أو بنتك، إنك تكوني عارفة أن رغم إن ابنك دلوقتي تصرفاته شبه الناس الكبار أو الراشدين إلا أنه في الحقيقة لسة موصلش للمرحلة دي وده كلام أثبت علميًا  حسب موقع ” الجمعيه الأمريكية للطب النفسي” أن الجزء من المخ إللي مسؤول عن التفكير المنطقي (الجزء إللي بيساعد الإنسان بيفكر بعقلانية قبل ما يسلك سلوك معين  prefrontal cortex  مابيتمش اكتماله قبل سن 25 سنة وإن الجزء إللي مسيطر على المراهقين هو إللي خاص بالعاطفة والإندفاعية  Amygdala

وده بيفسر تصرفاتهم إللي فيها كتير تمرد واندفاعية وأوقات عنف. مهم تعرفي المعلومة دي علشان متنسيش وإنتي بتتعاملي معاه أنه لسة إنسان في مرحلة التطور.

 

وهنا شوية نصايح سريعة هتساعدك لو ابنك أو بنتك في سن المراهقة :

  • أولا: ماتاخديش التغيرات إللي بتحصله بطريقه شخصية، يعني تفتكري أنه اتغير معاكي علشان مبقاش يحبك أو مبقاش قريب منك. لأن الموضوع أبعد ما يكون عن ده.
  • لازم تبدأي تديله مساحه حرية أكتر من إللي كان واخدها وهو طفل، بس مساحه محسوبة برده.
  • ركزي على أي تصرف إيجابي بيعمله واظهريله قد إيه إنتي ممتنة ليه.
  • متركزيش في الحاجات الصغيرة إللي بيحاول بيها يحس بتفرده مادام مش حاجات خطر عليه ولا على مستقبله أو صحته.
  • خدي بالك جدا من أصحابه. بيخرج مع مين وبيروحوا فين، طبعًا من غير ما تحسسيه بده.
  • حاولي دايما توصلي معاه لحلول وسط.. ده الوقت اللي هيطالبك فيه إنك تقنعيه بقراراتك. مش غلط إنك تناقشيه وتقنعيه بس دايما خلّي عندك مجموعة مواضيع مفيش فيها نقاش ودي إللي إنتي شايفاها خطر عليه.
    المصدر
SHARE

LEAVE A REPLY

Please enter your comment!
Please enter your name here