لما سألنا أمهات كتير ايه أكتر حاجة تبسطك وتخليكي تغيري جو وتحسسك بالراحة النفسية ردهم كان الشوبنج، وطبعاً بما إننا أمهات فاشوبنج السوبر ماركت الوحيد اللي بنقدر نعمله بشكل إسبوعي هو مستلزمات المنزل وفى المقال ده حبينا نعرفك على أهم وأفضل منتجات عملية لتنظيف المنزل.

 

شاتر شيت ـ Shutter Sheet

شاتر شيت ـ Shutter Sheet - أهم منتجات لتنظيف المنزل والبيت
منتجات لتنظيف المنزل

شاتر شيت عبارة عن منديل قماش بيتحط مع الغسيل جوه الغسالة بتسحب الألوان الزيادة اللي ممكن تنزل مع أى قطعة ملابس. لو معندكيش وقت تفصلي الألوان الغامقة عن الفواتح في غسلات منفصلة، تقدري تستخدمي الشاتر شيت وتوفري مجهود وعدد غسلاتك وكمان هيحمي ألوان الهدوم من إنها تبهت على بعض. بس لازم تخلي بالك لو شاكة إن فيه حاجة ممكن تنزل ألوان كتير ممكن تحطي عدد اتنين أو تلات مناديل.

السعر ٢٠ جنيه.

كلينو Cleano

كلينو Cleano - أهم منتجات تنظيف المنزل والبيت
منتجات تنظيف المنزل

المنتج ده هيكون مفيد جدًا للأمهات اللى ولادهم بيروحوا مدرسة والهدوم بتبقى مليانة بقع حبر وهيسهل عليكي تنظيفها لانه عبارة عن مزيل بقع الحبر من الهدوم بتحطيه على بقع الحبر وتدعكي وتشطفيه على طول بس بننصحك إنك تغسلي الهدوم فى الغسالة بعد ما تشطفيها لأن ريحته نفاذة شوية.

السعر: 9-10 جنيه

ممكن تشوفي هنا .. قائمة مشتريات الرضاعة الطبيعية

 

أوكسي جيل جونيور Oxi Gel Junior

اوكسي جيل جونيور Oxi Gel Junior - منتجات تنظيف المنزل
منتجات تنظيف المنزل

بشرة البيبى بتبقى حساسة جدًا عند الولادة عشان كده بننصحك تغسلي هدوم البيبى الجديدة قبل اللبس وتستخدمي مسحوق الغسيل المناسب لبشرته؛ شركة أوكسي عملت المنتج ده مخصوص للبيبى بتحطيه مع الغسلة بدل من مسحوق الغسيل العادي اللي ممكن يبقى قوي على بشرة البيبي الحساسة.

السعر:29.

سيترس Cetris

سيترس Cetris - منتجات تنظيف المنزل والبيت
منتجات تنظيف المنزل

المنتج ده متعدد الاستخدام ممكن تستخدميه في المطبخ للبوتجاز أو الدهون الصعبة اللي على السيراميك، تنظيف الحمام، الأرضيات، بقع الستاير والسجاد وكمان ممكن تستخدميه لبقع فرش العربية وليه روايح متعددة زي الليمون والبرتقال والمسك، بترشي المنتج على مكان البقعة وتسيبيه من ٥ لـ ١٠ دقايق وتمسحي بفوطة مبلولة.

السعر من ٢٩ ل ٣١.

ماكسيل للتلاجة والميكرويف Maxell Fridge and Microwave

أهم منتجات تنظيف المنزل والبيت
منتجات تنظيف المنزل

أوقات كتير ممكن الميكرويف والفريزر يبقى فيهم شوائب وبنخاف نستخدم أى منتج يسبب تلف ليه، المنتج ده اتعمل مخصوص ليهم بترشي على أماكن الاتساخات وتمسحي بفوطة مبلولة.

السعر: ٣٦.

وي Hui

وي Hui - أهم منتجات تنظيف المنزل والبيت
منتجات تنظيف المنزل

المنتج ده بيساعدك تنضفي الفرن والشوايات وليه فعالية جامدة لإزالة الدهون الصعبة بتسخني الفرن خمس دقايق وترشي المنتج جوه الفرن بعدين تمسحي بقماشة مبلولة او سفنجة أو ممكن ترشي جوه الفرن من غير ما تسخنيه وتسيبيه ليلة وتمسحيه بنفس الطريقة.

السعر: 40.

 

كلوركس باودر Clorox Powder

كلوركس باودر Clorox Powder - منتجات تنظيف المنزل
منتجات تنظيف المنزل

كلوروكس باودر بيساعدك تشيلي البقع من على الهدوم، بتبلي مكان البقعة وتحطي بالمكيال باودر على قد البقعة وتدعكي براحة وتشطفيها على طول أو ممكن تحطي مقدار ٣٠ جرام فى درج الغسالة مع مسحوق الغسيل اللي بتستخدميه.

السعر: ٤٥ جنيه.

 

فريدا هوم Frida Home

فريدا هوم Frida Home - منتجات تنظيف المنزل
منتجات تنظيف المنزل

المنتج ده هيخلي ريحة البيت حلوة جدًا بعد تنظيف الأرض وفيه منه روايح مختلفة زي التوت البري والليمون وجوز الهند.

السعر: 29 جنيه.

 

وبكدة يبقي خلصنا أفضل 8 منتجات عملية لتنظيف المنزل والأسعار الموجودة في المقال ده ممكن ممكن تختلف من مكان للتاني بالزيادة أو النقصان وممكن تختلف على حسب العروض.

 

حابين نعرف جربتي ايه من المنتجات دي؟

LEAVE A REPLY

Please enter your comment!
Please enter your name here