نصائح قبل ما تشتري الكريم الواقي من الشمس

شوية نصائح سريعة قبل ما تشتري الكريم الواقي من الشمس

Rahet Bally Team

84
0

أكيد كلنا سمعنا 100 مرة عن أشعة الشمس الضارة وإننا لازم نشتري كريم واقي من الشمس.. تعالي نقولك شوية نصايح بخصوص كريمات الشمس

✔أولا لازم نقول إنه الكريم الواقي من الشمس بيستخدم في الشتا كمان مش في الصيف بس وبيستخدم للأطفال والرجالة كمان مش بس للستات وكل يوم مش في المصيف وبس. ودوره الأساسي هو الحفاظ على الجلد من التصبغ والاحتراق وحساسية الشمس والبقع والشيخوخة المبكرة وسرطان الجلد لا قدر الله.

✔بندهن الكريم الواقي من الشمس قبل الخروج في النهار بربع ساعة ولازم نتأكد إنه مذكور على العلبة إنه الكريم بيحمي من أشعة الشمس القصيرة والطويلة UVA-UVB

✔توصي الأكاديمية الأمريكية لطب الجلدية باختيار كريم وقاية من الشمس بدرجة حماية 30 أو أعلى(SPF 30).

✔ولإننا محتاجين لفيتامين د.. فممكن نتعرض لأشعة الشمس مباشرة من غير الكريم في الضل لمدة عشر دقائق أو ربع ساعة فقط وبعدين ندهنه.

✔استخدمي للأطفال كريم واقي ضد الشمس مخصص للأطفال مش الكريم بتاعك.

✔ممكن تستخدمي لوشك كريم مخصوص للوش مناسب لنوع بشرتك ويكون مش دهني ومش بيسيب آثار بيضاء للكريم وتستخدمي نوع تاني مناسب أرخص شوية لباقي الجسم.

✔الرقبة كمان مهم ندهنها بكريم الشمس المخصوص للوش لإنها تعتبر امتداد ليه وحساسة زيه بالظبط.. وباقي الجسم ممكن ندهنه بكريم خاص للجسم.

عايزين نعرف رأيكم في أفضل الكريمات الواقية من الشمس إللي بتستخدموها.

LEAVE A REPLY

Please enter your comment!
Please enter your name here