نصيحة أخصائية نفسية: مشاهدة الأطفال للدبح قبل 7 سنين ممكن يسبب الهلع

الأخصائية النفسية نهى النحاس بتحذر من مشاهدة الأطفال للدبح قبل 7 سنين.

Rahet Bally Team

528
0

في البرنامج التيلفزيوني “ست الستات”،  حذرت نهى النحاس -الأخصائية النفسية ومدرس علم النفس بالجامعة الأمريكية- الآباء من السماح لأطفالهم الأصغر من 7 سنين إنهم يحضروا الدبح لأنه ده ممكن يكون ليه أثر سلبي جدًا على نفسية الطفل.

الطفل قبل السن ده غير مهيأ إنه يشوف منظر حيوان بيتدبح بالإضافة لإنه الدم ممكن يكون مخيف للطفل في السن ده ولإنه مش عقليًا مش بيقدر يفهم السبب الديني ورا ده فممكن يترجم الموضوع في عقله كفعل مخيف وصادم. بيحصل كتير إنه بعض الأطفال لما بيشوفوا الدبح بيجيلهم كوابيس وكمان ممكن يمتنعوا تمامًا عن أكل اللحوم.

وبنصح أستاذة نهى بإنه الآباء يستخدموا القصص المصورة أو أفلام الكارتون من بدري علشان يحكوا للطفل قصة سيدنا إبراهيم وفي البداية والطفل صغير مش لازم نتكلم عن الدبح ولا الجزء الدموي وإنما هنركز على الجوانب الإيجابية في القصة زي الإيثار والثقة في الله ولما الطفل يكبر شوية ممكن نتكلم عن فكرة الدبح، كل ده بيتم قبل 7 سنين.

 

LEAVE A REPLY

Please enter your comment!
Please enter your name here