١٠ توكيدات إيجابية هتغير حياتك كأم

هنقولك على 10 توكيدات إيجابية ممكن تغير حياتك

Shaymaa El-Gammal

104
0

التوكيدات الإيجابية هي عبارة عن جمل إيجابية بتقوليها لنفسك أو بتقرأيها أو بتكتبيها كل يوم لمدة ممكن توصل لـ 3 أو 4 شهور بهدف إعادة برمجة عقلك الباطن عليها علشان يصدقها ويبدأ يزقك تتصرفي على أساسها..

يعني إيه الكلام ده؟ يعني عقلك الباطن ممكن يكون مصدق إنك مش جميلة.. أو مصدق إنك أم وحشة.. أو مصدق إنه جوزك ما بيحبكيش.. دور التوكيدات الإيجابية إنها تساعد عقلك الباطن يصدقك حقايق جديدة مفيدة ليكي وبتزقك لقدام..

 

إنتي ممكن تعلمي توكيداتك الإيجابية بنفسك بس فيه شوية شروط لازم تتوفر فيها:

1- تكون في الحاضر مش في المستقبل.. يعني قولي: “أنا بخس” مش “أنا هخس”.
2- تكون منطقية.. يعني قولي أنا إنسانة طبيعية عندي مميزات وعيوب ما تقوليش: “أنا إنسانة مثالية”. لإنه ده كلام مش واقعي ومش منطقي.
3- تكوني مؤمنة من جواكي إنه التوكيدات دي يومًأ ما عقلك هيصدقها.
4- تكوني في حالة استرخاء كامل.. وأفضل وقت هو أول ما تصحي الصبح أو قبل ما تنامي.
5- تكوني بدأتي تعملي شوية تغيرات ماشية مع التوكيدات دي.. يعني لو التوكيد بتاعك هو: “أنا بخس”، تحاولي إنه أكلك يكون صحي أكتر من الأول.
6- تكون بصيغة مفيهاش نفي.. يعني قولي: “أنا باكل أكل صحي”. ما تقوليش: “أنا مش باكل جانك فوود”.

 

ودلوقتي هقولك 10 توكيدات ممكن تبدأي بيها كأم:

  • أنا أستاهل
  • أنا بحب نفسي زي ما بحب جوزي وأولادي.
  • أنا راضية باللي ربنا كتبهولي وبسعى إني أعمل حاجات كويسة لنفسي وباخد بالأسباب.
  • أنا بخير وصحتي كويسة وبحافظ عليها دايمًا.
  • أنا عندي نقط تميز في شغلي.
  • أنا قابلة شكلي وجسمي وبحبهم.
  • أنا باكل أكل صحي وجسمي بيستجيب ليه وبخس.
  • أنا بلعب رياضة وبتحرك كل يوم.
  • أنا شايفة مميزاتي وشايفة عيوبي وقابلة إللي مش نافع يتغير وبحاول أغير إللى أقدر أغيره.
  • أنا كفاية

دلوقتي قولي لنا إيه التوكيدات إللي حابة تضيفيها للموضوع ده؟

 

 

LEAVE A REPLY

Please enter your comment!
Please enter your name here