۸ أعراض لسرطان الثدي روحي للطبيب فورًا لو ظهرت

في المقال ده هتعرفي أعراض سرطان الثدي وليه فيه سيدات عرضة أكتر للإصابة بيه.

Laila (Aya) Sami

69
0

أكتوبر هو شهر التوعية بمرض سرطان الثدي والحماية منه. علشان كده في المقال دا هنكلمك عن ما هي أعراض سرطان الثدي؟.. واللي لو لاحظتيها، لازم فورًا تروحي لدكتور، وكمان هنقول لك الحالات اللي بتبقي فيها متعرضة أكتر للإصابة بهذا المرض.

 اعرفي 10 عادات صحية تحميكي من سرطان الثدي.

أعراض سرطان الثدي:
طبعًا لأن أجسامنا مش زي بعضها، مش لازم يكون الأعراض زي بعضها في كل الحالات. لكن القايمة دي فيها الأعراض المشتركة بين أكبر عدد، ممكن يظهر عرض واحد أو أكتر من دول مع بعض. كمان مش عايزينك تقلقي: ممكن تكون الأعراض دي مسببها أورام حميدة أو أمراض تانية مختلفة. عشان كدا، بنقول لك إنك لازم تروحي لدكتور علشان تضمني إنك مش مصابة بمرض سرطان الثدي. الأعراض دي ممكن تظهر في ثدي واحد أو الاتنين.

  • تغيرات في جلد الثدي: زي إنه يكون وارم أو أحمر أو ملمسه اتغير (محبب – زي قشر البرتقال).
  • كبر حجم الثدي المفاجئ.
  • تغير شكل الثدي.
  • تغير شكل الحلمة. خاصة إنها تدخل لجوا.
  • افرازات من الحلمة (غير لبن الرضاعة).
  • ألم عام في جزء من الثدي أو فيه كله.
  • أي كلاكيع أو تجمعات جوا الثدي. (لما تعملي الفحص الذاتي هتحسي لو عندك أو لا).
  • تقشير جلد الحلمة.

     احذري هذه العادات .. 5 عادات لا تتوقعيها تسبب سرطان الثدي

حالات أكثر عرضة للإصابة بسرطان الثدي:
فيه أنواع أجسام معينة بتكون معرضة أكتر للإصابة بسرطان الثدي حتى لو التزمت بالعادات الصحية وبطلت العادات المضرة. هنقول لك هنا إيه هي الأجسام دي:

  • الستات بعد الأربعين: بعد الأربعين هرمونات الجسم بتتغير وعشان كدا يفضل دايمًا إنك تفحصي نفسك بشكل منتظم بعد الأربعين.
  • تاريخ الصحة العائلي: لو فيه ستات في عيلتك أصابت بسرطان الثدي ممكن دا يخليكي عرضة أكتر للإصابة بيه.
  • لو أخدتي أدوية فيها تركيبة استروجين معينة لمنع الحمل أو تثبيت الحمل لفترة طويلة، ممكن دا يعرضك أكتر للإصابة.
  • كثافة الثدي: لو ثديك تركيبته تقيلة\كثيفة وفيه غدد لبنية كتير، دا بيخليكي عرضة أكتر. اسألي دكتور النسا عن نوع الثدي.

تعملي إيه في حالة لو انتِ أكثر عرضة للإصابة؟

داومي دايمًا على العادات الصحية وافحصي نفسك بانتظام سواء بالفحص الذاتي أو بالموجات (السونار) أو الماموجرام.

مصادر ساعدتنا في المقال:

مركز علاج السرطان في أمريكا
https://www.cancercenter.com/cancer-types/breast-cancer/symptoms

موقع جامعة كاليفورنيا
https://www.ucsfhealth.org/education/breast_cancer_risk_factors/

LEAVE A REPLY

Please enter your comment!
Please enter your name here