5 استخدامات مبتكرة ما تعرفيهاش للقهوة

1 اكتوبر هو اليوم العالمي للقهوة عشان كده حبينا نقدملك استخدمات القهوة الجديدة عليكي.

Salwa Okasha

148
1

تقريبا من أكتر الحاجات اللي الناس بتتفق عليها حوالين العالم هي عشقهم لمشروب القهوة لدرجة إن العالم كله قرر يعمل 1 اكتوبر يوم عالمي للقهوة عشان يحتفل بحبه ليها كمصدر شخصي للسلام الكوني، للصحصحة واعتدال المزاج وبما إن أغلبنا كأمهات يومنا مبيبتديش إلا بكوباية قهوة سخنة عشان نقدر نصمد لبقية اليوم، حبينا نقولك على فوائد و استخدامات القهوة المبتكرة والجديدة عليكي.

  • علاج السيلوليت:
    من استخدامات القهوة ان ممكن استخدمها فى علاج السليوليت؟ أيوة ممكن لأن القهوة فيها كافيين ومضادات أكسدة بتساعد على تنشيط الدورة الدموية وشد البشرة فى المناطق المصابة بالسيلوليت فبيساعد على تقليلها، و ممكن تعملي سكراب القهوة لعلاج السيلوليت فى البيت بتكلفة قليلة جدا.

طريقة عمل سكراب القهوة لعلاج السيلوليت:

هتجيبي ربع كوباية بن مطحون وعليهم  شوية سكر وحوالي معلقتين كبار من زيت جوز الهند أو ممكن نستبدله بزيت زيتون، هتخلطي كل المكونات كويس وتدلكي المناطق المصابة لمدة عشر دقايق وتشطفي السكراب بميه فاترة وتكرري الروتين ده مرتين فى الأسبوع وطبعًأ هتحسي بفرق كبير لو بتعملي تمرين الـSquat.

  • فوائد القهوة قبل التمرين:
    فيه دراسة نشرها موقع edition.cnn أثبتت إن شرب كوباية قهوة قبل التمرين بيقلل من آلام العضلات بنسبة كبيرة وبيدي طاقة كبيرة أثناء التمرين عشان كده مدربين فريقRahet Bally Mama Transformation Program  بينصحوكي بشرب كوباية قهوة قبل التمرين.

اعرفي أكتر عن Rahet Bally Mama Transformation Program  من هنا

  • القهوة طارد طبيعي للحشرات والناموس:
    طبعا كلنا بنعاني من الحشرات وبنحاول ندور على أمن الطرق للتخلص منهم خاصة لو عندنا أطفال والقهوة أحد الطرق الآمنة للتخلص منها لأن ريحة البن القوية تعتبر طارد طبيعي للحشرات.

طيب إزاي هنستخدم البن فى طرد الحشرات؟ هتجيبي شوية بن مطحون وعليهم فحم و هنقوم باشعال الفحم وريحة البن القوية بساعد على طرد الناموس وكمان ممكن نحط شوية بن مطحون في الأماكن اللى بيدخل منها الحشرات.

  • القهوة لتنظيف الدهون من أواني الطبخ
    ايضا من استخدامات القهوة انك ممكن تعيدي استخدام تفل القهوة في تنظيف الأطباق أو الحلل اللي خايفة عليها من كيماويات منتجات التنظيف، ضيفي شوية من تفل القهوة للأطباق مع اسفنجة الغسيل كمان تفل القهوة مع غسيل المواعين هيساعدك تتخلصي من روايح الأكل النفاذة زي البصل والتوم.
  • معطر منزلي طبيعي:
    بعد يوم طويل فى المطبخ أكيد بتحبي ريحته تكون لطيفة فممكن تستخدمي القهوة كمعطر طبيعي تعمليه بنفسك في أقل من خمس دقايق، هتغلي شوية مية وتحطي عليهم حوالى ربع كوباية تفل قهوة و 2 عود قرفة ورشة فانيليا سايلة، يغلوا شوية وبعدين تسيبيهم هيخلوا ريحة مطبخك حلوة جدًا.

لو جربتي حاجة من استخدامات القهوة دي، قوليلنا إيه رأيك و فرقت معاكي إزاي.
المصدر  1   2

 

 

1 COMMENT

LEAVE A REPLY

Please enter your comment!
Please enter your name here