5 مشروبات سهلة هتساعدك على حرق الدهون بسرعة

Yomna Maheny

229
0

 السمنة تعتبر مرض العصر  ومن هنا بتيجي أهمية حرق الدهون.. سيدات كتير بتشتكي من السمنة خصوصًا مع الحمل وبعد الولادة وعوامل السن وأحيانًا بعض الحالات الصحية إللي السمنة بتكون نتيجة ليها .. في حالة الأمهات بعد الولادة كتير منهم بيكون هدفهم الرئيسي هو خسارة الكيلو الجرامات الزائدة بس بطبيعة الحال نزول الجيم وممارسة الرياضة في المرحلة الأولى بعد الولادة مش إختيار سهل للعديد منهم .. علشان كدة إحنا هنا في راحة بالي هنقدم لك مثال لأشهر 5 مشروبات بتساعد بشكل وفعال في  حرق الدهون بسرعة في وقت قصير مع ممارسة الحركة خلال اليوم .. لكن ضروري تعرفي أفضل اختيار ليكي وبيتماشى مع حالتك الصحية

1-   الجنزبيل:

من أشهر الأعشاب المستخدمة في الأكل والتخسيس.. بيتميز بطعمه العطري والحار في نفس الوقت، لكن شهرته الأساسية جت من فاعليته الحقيقية في حرق دهون الجسم والحفاظ على الصحة العامة وممكن يتشرب بطرق مختلفة ويتحلى بمعلقة عسل طبيعي زي مثلا  مشروب الجنزبيل بالقرفة أو الجنزبيل بالليمون .. وطريقة تناوله بتكون تلات مرات خلال اليوم وأكبر تأثير له بيكون على  حرق دهون البطن والأرداف.

2-   الشاي الأخضر:

في الغالب هو المشروب المصاحب للجنزبيل في عملية خسارة الوزن وبيتميز الشاي الأخضر دونًا عن الكثير من المشروبات بفوائده الصحية لما يحتويه من مضادات للأكسدة وتعليته لعملية الأيض المعروفة باسم عملية حرق الدهون. اشربي من كوب إلى تلات أكواب خلال اليوم ولمدة اسبوعين متتالين وهتلاحظى الفرق الكبير في نزول  الدهون من الجسم كله بالإضافة لسد الشهية.

3-   شرب الماء المثلج:

يمكن شرب المية يبتان إنه حاجة عادية بتتعمل في العادي، لكنه في الحقيقة فعال جدًا في عملية التخسيس وتعلية حرق الدهون.. لأنه أكثر مشروب قادر على المساعدة على التخلص من السموم المتراكة في الجسم والعمل على تنقية البشرة والتخسيس كمان.. وعلشان تقدري تحصلي على أفضل نتيجة هتحتاجي تتناولى ما لا يقل عن 10 أكواب من الماء المثلج في اليوم ولمدة لا تقل عن إسبوعين للحصول على نتيجة ملحوظة فيما يخص التخلص من الدهون المتراكمة في الجسم وإن كنتي من النوع الغير محب لشرب المية كتير تقدري تضيفي بعض قطرات من عصير الليمون هتفرق معاكي في الطعم وهتزود من قيمته وفاعليته.

4-   حليب خالي الدسم:

وجد خبراء التغذية إن الأشخاص المنتظمين في شرب الحليب الخالي الدسم قدروا يحققوا نتائج ممتازة في التخلص من الوزن الزائد والدهون المتراكة أكتر من الأشخاص اللي مش بيشربوه.. وجدوا إن الكالسيوم الموجود في الحليب له قدرة و فاعلية على تكسير دهون الجسم و بالتالي نتيجة أكبر وأسرع في خسارة الوزن الزائد.. علشان كدة بينصح بتناوله بإنتظام ولمدة لا تقل عن أسبوعين.

5-   عصير الكيوي والأناناس:

خبراء التغذية بينصحوا بالعصير ده وبشدة للمساعدة على التخلص من الدهون وإنقاص الوزن  .. لما يتميز بيه من مضادات للأكسدة وقدرة على تكسير الدهون وبالتالي التخلص منها .. وللحصول على أفضل النتائج مع العصير ده يستلزم إتباع نظام غذائي منخفض السعرات وممارسة رياضة خفيفة لمدة لا تقل عن إسبوعين .

عرفينا أنهى من المشروبات دي هتجربيها ؟

 

 

 

 

 

LEAVE A REPLY

Please enter your comment!
Please enter your name here