6 أماكن للاستشارات والعلاج النفسي للأطفال في القاهرة

في الموضوع ده هنقول لك 6 أماكن بتقدم استشارات نفسية للأطفال علشان لو طفلك محتاج تعديل سلوك أو علاج نفسي

Passant Ibrahim

208
0

أوقات مش بنقدر نتخيل أو نصدق إن الأطفال كمان ممكن يصابوا ويعانوا من الأمراض النفسية اللي بيعاني منها الكبار، زي الاكتئاب والتروما –كرب ما بعد الصدمة- وغيرها من الأمراض النفسية اللي بتأثر على سلوكيات وتصرفات الطفل بالسلب وأحيانًا بتدفعه لتصرفات عنيفة جدًا تجاه نفسه واللي حواليه.

وبنبدأ نقول ده طفل “قليل الأدب” أو محتاج تعديل سلوكيات، لكن الحقيقة إن مش كل الأطفال علاجهم بيتم سلوكيًا بس، وأوقات كتير لازم نعرض الطفل على استشاري نفسي متخصص في علاج وتشخيص حالات الأطفال، خاصة لو كنتِ جربتي العلاج السلوكي ومجابش نتيجة أو حاسة إن المشكلة أكبر من مجرد “عدم سمعان للكلام” أو “سلوك سيئ”، متكدبيش إحساسك كأم واعرفي إن الاستشارة النفسية للأطفال مش عيب، وللكبار كمان.. وإنها أول خطوة تساعدي بيها طفلك يتخطى معاناته ويكون أفضل، لإن التجاهل وقتها كارثة مش حل.

دي أماكن موثوق فيها تقدري تلجأي ليها في حالة كان طفلك محتاج استشارة أو علاج نفسي على يد متخصص.

 

مؤسسة الرخاوي للطب النفسي

من أفضل مؤسسات العلاج النفسي، خبرة أكتر من 40 سنة في المجال وفيها أطباء متخصصين في التعامل مع الأطفال، كمان هي متاحة لتقديم خدماتها الطبية على مدار 24 ساعة.

عنوانها: المقطم- شارع 12، متفرع من شارع 9 الرئيسي.

التليفون: 01211113073

لينك الفيسبوك

موقع المستشفى

 

مركز الطب النفسي والعصبي للأطفال

مركز متخصص في علاج أمراض الأطفال النفسية وتعديل السلوكيات. من المراكز العريقة والمعروفة في مجال الطب النفسي للأطفال تحت إشراف د,محمود حمودة.

العنوان: 13 شارع مراد-الماظة-مصر الجديدة

التليفون:01114456518

لينك الفيسبوك

 

مركز دار الهضبة

مركز يضم استشاريين طب نفسي وعلاج الادمان وأخصائيين نفسيين للمراهقين والبالغين -العيادة متاحة 24 ساعة ولهم فرعين بالمعادي وأكتوبر.

العنوان: المعادي- أمام كارفور الدائري، شارع طارق أبو النور -خلف بنزينة وطنية.

التليفون: 01154333341

موقع المركز

 

عيادة دكتور نبيل علي نصر

دكتور نفسي متخصص في نفسي بالغين، مراهقين، أطفال، علاج الادمان و استشارات أسرية.

العنوان: الشيخ زايد

 وتقدروا تحجزوا بسهولة من على موقع فيزيتا للخدمات الطبية بدون تسجيل أو رسوم.

لينك الفيسبوك

 

عيادة دكتورة صفاء محمود حمودة

استشاري ومدرس الطب النفسي وعلاج الإدمان بكلية طب – جامعة الأزهر .

دكتور نفسي متخصص طب نفسي بالغين، نفسي اطفال، علاج الادمان واستشارات اسرية.

بتقييم الزوار لها، فهي دكتورة صبورة، بشوشة وعندها خبرة كافية في التعامل مع الأطفال الصغيرين وسن المراهقة. وكمان لها قناة على اليوتيوب تقدروا تتابعوا نصايحها للكبار والأطفال.

العنوان: مدينة نصر – ٢ عمارات اول مايو. طريق النصر. بجوار الجامعة العمالية

سعر الكشف: 300 ج

التليفون:01112598892

لينك الفيسبوك

 

عيادة دكتور حاتم زاهر- مراكز نور زيادة لطب الأطفال

استشارى طب نفسى أطفال والإرشاد الأسرى- دكتور نفسي متخصص في استشارات أسرية ونفسي أطفال وعياداته ضمن مجموعة مراكز نور زيادة لطب نفس الأطفال.

العنوان: المعادي / برج الفادي / امتداد كارفور المعادي

فيصل / برج الشرطة / المطبعة / أمام حلواني العبد

إسكندرية / سيدي بشر / بجوار نفق جمال عبد الناصر

للحجز عن طريق موقع فيزيتا

لينك الفيسبوك

 

بنرشح لك كمان زيارة أقسام الأطفال في مستشفيات الصحة النفسية الحكومية، زي مستشفى العباسية للصحة النفسية واللي مؤخرًا أصبحت بتقدم خدمة العلاج النفسي للأطفال على أعلى مستوى وبرسوم بسيطة جدًا. اسألي وهتوصلي ولو تعرفي مكان جربتيه مع أطفالك وكانت خدماته موثوق فيها، شاركينا بيه وبتجربتك.

LEAVE A REPLY

Please enter your comment!
Please enter your name here