Doodle Factory

من فترة قريبة لقيت بوست بيتكلم عن صفحة على الفيسبوك اسمها ” Doodle Factory” عبارة عن براند مصري بيحول رسومات الأطفال لتصاميم مختلفة، اتبسطت جدًا إن فكرة زي كده اتنفذت في مصر وبتشجع الأطفال على الرسم والإبداع دخلت على الصفحة والموقع الخاص بيهم، انبهرت أكتر لما قريت عن قصتهم وإن جزء من أرباح منتجاتهم بيروح للأطفال المحتاجين وخصوصًا في مجالات الصحة والتعليم وهنتعرف أكتر على قصتهم الملهمة في الموضوع ده..

تعرفي هنا علي المينيماليزم.. طريقة سحرية للتخلص من الكراكيب

إيه هو “Doodle Factory” ؟
موقع وصفحة إبتدوا في 2016 وهدفهم من أول يوم إنهم يوصلوا لأكبر عدد من الأطفال المحتاجين زي الأطفال اللاجئين والأطفال المصابين بالحروق أو بناءمكتبة لمدرسة الأطفال أو مساعدة الأطفال اللي محتاجين عمليات قلب مفتوح. الفكرة بتبتدي بفريق بيجمّع الأطفال المحتاجة في ورشة رسم وبيطلبوا منهم إنهم يرسموا كل اللي بيحبوه ورسوماتهم اللي ينفع إنها تتنفذ تصميمات بتتحط على منتجات مختلفة زي الرسومات اللي ممكن تطبع على قماش الشنط وشنط اللابتوب أو الرسومات اللي ينفع تتحط على غلاف نوتة.

Doodle Factory
Doodle Factory

أول كوليكشن ملابس
في الفترة الأخيرة بدأوا بكوليكشن جديد “Wear Your Heart On Your Sleeve” عبارة عن ملابس مستوحاة من رسومات الأطفال واتنفذت لتصميمات مختلفة زي الفساتين والقمصان والبنطلونات الـOversized وانضمت الفنانة تارا عماد لـ”Doodle Factory” كسفيرة لأول كوليكشن ملابس ليهم يتنفذ. تصميمات الكولكشن كانت من رسومات أولاد مصابين بمرض اللإلتهاب الكبدي سي  وأرباح الكولكشن هتكون لدعم الأطفال المصابة والمحتاجين لعمليات بالتعاون مع مركز الدكتور يس عبد الغفار لأمراض وبحوث الكبد.

Doodle Factory
Doodle Factory

المؤسسات الخيرية
ومن ضمن إسهامات فريق العمل لمساعدة الأطفال التعاون مع مؤسسات خيرية زي مؤسسة “أهل مصر” لمساعدة الأطفال ضحايا الحروق ومؤسسة “وصلة خير” لمساعدة 20 طفل محتاجين عمليات عيون لعلاج الحول، وجمعية بداية للأعمال الخيرية اللي فتحت أبوابها لإستقبال 23 طفل وطفلة لمساعدتهم في توصيل مياه نظيفة في مدينة الفيوم والكولكشن اللي إتنفذ من رسومات الأطفال دول كان عبارة عن مجموعة متنوعة من الشنط والأجندات.

Doodle Factory
Doodle Factory

كل قطعة وراها حدوتة وعمل إنساني يستحق الدعم لأطفال كلهم مصدر أمل وحياة، وكل منتجاتهم متاحة من خلال الموقع وتابعوهم على صفحتهم الرسمية على الفيسبوك والإنستجرام عشان تعرفوا أكتر عن قصص الأطفال الملهمة ورسوماتهم الحلوة اللي بقت واقع.

المصدر:
Doodle Factory

SHARE

LEAVE A REPLY

Please enter your comment!
Please enter your name here